ഇന്ത്യയില് കഴിഞ്ഞ 24 മണിക്കൂറിനിടെ 14,306 പേര്ക്ക് കോവിഡ് സ്ഥിരീകരിച്ചു. 18,762 നെഗറ്റീവ് കേസുകളും റിപ്പോര്ട്ട് ചെയ്തു. വിവിധ സംസ്ഥാനങ്ങളിലായി ചികിത്സയില് കഴിയുന്നവരുടെ എണ്ണത്തില് കുറവ് രേഖപ്പെടുത്തി. രാജ്യത്ത് നിലവില് 1.67 ലക്ഷം സജീവ കേസുകളാണുള്ളത്. കഴിഞ്ഞ 239 ദിവസത്തിനിടയില് ആദ്യമായാണ് രോഗികളുടെ എണ്ണം ഇത്രയും കുറയുന്നത്.. 443 മരണമാണ് കോവിഡ് മൂലം രാജ്യത്ത് ഇന്നലെ സംഭവിച്ചത്. ഇതോടെ മഹാമാരി ബാധിച്ച് മരിച്ചവരുടെ എണ്ണം 4,54,712 ആയി ഉയര്ന്നു.രാജ്യത്തെ കോവിഡ് രോഗമുക്തി നിരക്ക് 98.18 ശതമാനമായി ഉയര്ന്നു. 2020 മാര്ച്ചിന് ശേഷമുള്ള കൂടിയ നിരക്കാണിത്.
വിവിധ സംസ്ഥാനങ്ങള്ക്കും കേന്ദ്ര ഭരണ പ്രദേശങ്ങള്ക്കുമായി 12.30 ലക്ഷം വാക്സിന് ഡോസുകള് മാത്രമാണ് ഞായറാഴ്ച വിതരണം ചെയ്തത്. ഇതുവരെ ഒരു ഡോസ് വാക്സിനെങ്കിലും സ്വീകരിച്ചവരുടെ എണ്ണം 102.27 കോടിയായി ഉയര്ന്നതായും കേന്ദ്ര ആരോഗ്യ മന്ത്രാലയം അറിയിച്ചു.
