പ്രമുഖ ഓൺലൈൻ ഫുഡ് ടെക് പ്ലാറ്റ്ഫോമായസൊമാറ്റോയുടെ സഹസ്ഥാപകനും ചീഫ് ഓപ്പറേറ്റിങ് ഓഫിസറുമായ ഗൗരവ് ഗുപ്ത രാജിവെച്ചു. സൊമാറ്റോയുമായുള്ള ആറുവർഷത്തെ സേവനം അവസാനിപ്പിച്ചാണ് ഗൗരവ് ഗുപ്തയുടെ വിട വാങ്ങൽ .
സൊമാറ്റോ സ്ഥാപകൻ ദീപീന്ദർ ഗോയലുമായുണ്ടായ തർക്കത്തിന് പിന്നാലെ ഗൗരവ് കമ്പനി വിടുമെന്ന റിപ്പോർട്ടുകൾ നേരത്തേ പുറത്തുവന്നിരുന്നു. എന്നാൽ, കമ്പനിയിൽ നിന്ന് പുറത്തുപോകാനുള്ള യഥാർഥ കാരണം അറിവായിട്ടില്ല .
സൊമാറ്റോ സിഇഒ ദീപീന്ദർ ഗോയൽ ട്വിറ്ററിലൂടെ ഇക്കാര്യം സ്ഥിരീകരിച്ചു. ഗുപ്തയുടെ രാജിവാർത്ത പുറത്തുവന്നയുടനെ കമ്പനിയുടെ ഓഹരി വില അഞ്ചുശതമാനം താഴ്ന്ന് 136.20 രൂപ നിലവാരത്തിലെത്തി.
2015 ലാണ് ഗുപ്ത സൊമാറ്റോയുടെ ഭാഗമാകുന്നത്. 2018ൽ ചീഫ് ഓപ്പറേറ്റിങ് ഓഫിസറായി. സൊമാറ്റോയുടെ ഐ.പി.ഒയിൽ നിർണായക സാന്നിധ്യമായിരുന്നു ഗുപ്ത
