ജില്ലയിൽ വാക്സിൻ വിതരണം വിപുലീകരിക്കുന്നതിന്റെ ഭാഗമായി ജില്ലാകളക്ടർ ഡോ എം തേജ് ലോഹിത് റെഡ്ഢി സ്വകാര്യ ആശുപത്രി പ്രതിനിധികളുടെ യോഗം വിളിച്ചു ചേർത്തു.
എല്ലാ സ്വകാര്യ ആശുപത്രികളിലും വാക്സിനേഷൻ സൗകര്യം ഒരുക്കുന്നതിന് യോഗത്തിൽ ധാരണയായി. കോവിഡ് വ്യാപനം തടയുന്നതിനുള്ള നടപടികൾ ഊർജ്ജിതമാക്കുന്നതിന്റെ ഭാഗമായാണ് യോഗം വിളിച്ചു ചേർത്തത്.
കോവിഡ് രോഗവ്യാപനം കൂടുന്ന സാഹചര്യത്തിൽ ജില്ലയിൽ വീണ്ടും കര്ശന നിയന്ത്രണങ്ങള് ഏര്പ്പെടുത്താൻ തീരുമാനിച്ചിരുന്നു.
ജില്ലയിൽ ടെസ്റ്റ് പോസിറ്റിവിറ്റി നിരക്ക് കുറയാത്ത സാഹചര്യത്തിലും സംസ്ഥാന തലത്തിൽ കോവിഡ് രോഗികൾ വർധിക്കുന്ന സാഹചര്യത്തിലും പ്രതിരോധ നടപടികൾ ശക്തമാക്കിയിരുന്നു. ഓൺലൈനായി നടന്ന യോഗത്തിൽ ആർസി എച്ച് ഓഫീസർ ടി മോഹൻദാസ്, സ്റ്റേറ്റ് ഹെൽത്ത് ഏജൻസി പ്രതിനിധി ലിനോജ്,
സ്വകാര്യ ആശുപത്രി പ്രതിനിധികൾ തുടങ്ങിയവർ പങ്കെടുത്തു.
വാക്സിൻ വിതരണം; സ്വകാര്യ ആശുപത്രികളിൽ സൗകര്യമൊരുക്കാൻ ധാരണ
