ഓമശ്ശേരി: ഓമശ്ശേരിയിലെ ശാദി ജ്വല്ലറിയില്‍ തോക്കു ചൂണ്ടി കവര്‍ച്ച നടത്തിയ പ്രതി ബംഗ്ലാദേശ് സ്വദേശി നഈം അലി ഖാന്‍ ബസ്സില്‍ നിന്നും ചാടി രക്ഷപ്പെടാന്‍ ശ്രമിച്ചു. റിമാന്‍ഡ് കാലാവധി കഴിഞ്ഞതിനെ തുടര്‍ന്ന് കണ്ണൂര്‍ ജയിലില്‍ നിന്നും താമരശ്ശേരി കോടതി യില്‍ എത്തിച്ചു മടങ്ങുമ്പോള്‍ ബാലുശ്ശേരി പറമ്പിന്‍ മുകളില്‍ വെച്ചായിരുന്നു സംഭവം. ബസ്സ് നിര്‍ത്തിയപ്പോള്‍ കൈ വിലങ്ങുമായി ചാടുകയായിരുന്നു. കൂടെയുണ്ടായിരുന്ന പൊലീ സുകാരും പിന്നാലെ ചാടി പ്രതിയെ പിടികൂടി. ബസ്സില്‍ നിന്നും ചാടിയപ്പോള്‍ പരുക്കേറ്റ പ്രതിയെ ബാലുശ്ശേരി സര്‍ക്കാര്‍ ആശുപത്രിയില്‍ പ്രവേശിപ്പിച്ചു.
ഓമശ്ശേരി ജ്വല്ലറിയില്‍ മോഷണ കേസിലെ പ്രതി ബസ്സില്‍ നിന്നും ചാടി രക്ഷപ്പെടാന്‍ ശ്രമിച്ചു
