കോവിഡ് വ്യാപനത്തെ തുടര്ന്ന് ഇന്ത്യന് പ്രീമിയര് ലീഗ് ഇന്ത്യൻ ക്രിക്കറ്റ് ബോർഡ് (ബി.സി.സി.ഐ) നിര്ത്തിവെച്ചു. ചെന്നൈ സൂപ്പർ കിങ്സിലെ ബോളിങ് പരിശീലകൻ ലക്ഷ്മിപതി ബാലാജിക്കും കൊൽക്കത്ത ടീമിലെ വരുണ് ചക്രവർത്തി, സന്ദീപ് വാരിയർ എന്നിവർക്കും ഉൾപ്പെടെ മൂന്നു പേർക്കും കോവിഡ് സ്ഥിരീകരിച്ച സാഹചര്യത്തിലാണ് മത്സരങ്ങൾ താല്ക്കാലികമായി നിര്ത്തിവെക്കാന് ബി.സി.സി.ഐ തീരുമാനിച്ചത്. നിലവിൽ മത്സരങ്ങൾക്ക് വേദിയാകുന്ന അഹമ്മദാബാദ് നരേന്ദ്ര മോദി സ്റ്റേഡിയത്തിലും ഡൽഹി അരുൺ ജയ്റ്റ്ലി സ്റ്റേഡിയത്തിലും കളിക്കുന്ന ടീമുകളിലെ താരങ്ങൾക്കും സ്റ്റാഫിനും കോവിഡ് സ്ഥിരീകരിച്ചിട്ടുണ്ട്.
കോവിഡ് വ്യാപനം; ഐ പി എൽ നിർത്തി വെച്ചു
