നടൻ സിദ്ധാർഥിന് പിന്തുണയുമായി കോൺഗ്രസ് നേതാവും എംപിയുമായ ശശി തരൂർ . ട്വിറ്ററിലൂടെ ആണ് തരൂർ തന്റെ പിന്തുണ അറിയിച്ചത്. തനിക്ക് നേരേ ബി.ജെ.പി വധഭീഷണി മുഴക്കുന്നുവെന്നാരോപിച്ച് സിദ്ധാർഥ് രംഗത്ത് വന്നിരുന്നു. തമിഴ് നാട് ബി.ജെ.പി ഐടി സെൽ തന്റെ ഫോൺ നമ്പർ ചോർത്തിയെന്നും 500ലധികം ഫോൺ കോളുകളാണ് വന്നതെന്നും കോളുകളെല്ലാം വധഭീഷണിയും ബലാംത്സംഗ ഭീഷണിയും അസഭ്യവർഷവുമായിരുന്നുവെന്നും സിദ്ധാർഥ് ആരോപിച്ചിരുന്നു.
.
സിനിമയിലെ വില്ലൻമാരെക്കാൾ സമൂഹത്തിലെ വില്ലൻമാർ ഭീകരൻമാരാണെന്നും അതിനെതിരെ പ്രതികരിക്കാൻ സിദ്ധാർഥിനെ പോലുള്ള അപൂർവ്വം ചിലർക്കെ ധൈര്യമുള്ളു എന്നാണ് ശശി തരൂർ ട്വീറ്റ് ചെയ്തത്.
“എന്തുകൊണ്ടാണ് സിനിമയിൽ കാണുന്ന നായകൻമാർ തീവ്രമായ പ്രചാരണങ്ങൾക്കെതിരേ ശബ്ദമുയർത്താത്തതെന്ന് നമ്മൾ ചിന്തിക്കാറുണ്ട്. ഒരു കാരണം ഇതാണ്.. നമ്മുടെ സമൂഹം സംരക്ഷിക്കുകയും, ഉയർത്തിക്കാണിക്കുകയും ചെയ്യുന്ന വില്ലൻമാർ ഭീകരന്മാരാണ്. അവരെ ഈ നായകൻമാർക്ക് താങ്ങാനാവില്ല. സിദ്ധാർഥിനെ പോലുള്ള അപൂർവ്വം ചിലർക്കൊഴികെ…” ശശി തരൂർ ട്വീറ്റ് ചെയ്തു
