റേഷന് : എല്ലാ അപേക്ഷകളും ഓണ്ലൈന് ആയി സമര്പ്പിക്കാം
കോവിഡ് വ്യാപനമുള്ളതിനാല് ഇനിയൊരറിയിപ്പുണ്ടാവുന്നതുവരെ വടകര സപ്ലൈ ഓഫീസില് അപേക്ഷകള് നേരില് സ്വീകരിക്കുന്നതല്ലെന്ന് വടകര താലൂക്ക് സപ്ലൈ ഓഫിസര് അറിയിച്ചു. എല്ലാ അപേക്ഷകളും ഓണ്ലൈന് ആയി സമര്പ്പിക്കാം. നേരത്തെ നിശ്ചയിച്ച എല്ലാ കൂടിക്കാഴ്ചകളും ( അനര്ഹ റേഷന് കാര്ഡുകള്ക്ക് നോട്ടിസ് ലഭിച്ചതടക്കം) മുന്ഗണനാ കാര്ഡുകള്ക്കുള്ള അപേക്ഷ സ്വീകരിക്കലും ഇതിന്മേലുള്ള നേര് വിചാരണയും നിലവിലെ കോവിഡ് വ്യാപന സാധ്യത മാറിയശേഷമേ നടത്തുകയുള്ളു.
പുതിയ റേഷന് കാര്ഡുകളുടെ വിതരണം ഇനിയൊരറിയിപ്പിനു് ശേഷംമേ ഉണ്ടാവൂ. കാര്ഡുടമകള്ക്ക് ഇ-പോസ് മെഷിനില് ഭക്ഷ്യധാന്യങ്ങള് ലഭ്യമായെങ്കില് റേഷന്കാര്ഡ് കിട്ടുന്നതുവരെ റേഷന് കടയില് കാര്ഡ് നമ്പര് കാണിച്ച് സാധനങ്ങള് വാങ്ങിക്കാവുന്നതാണ്
ഗ്രാന്ഡിന് അപേക്ഷ ക്ഷണിച്ചു
ജില്ലയിലെ സൈക്കോ-സോഷ്യല് സ്ഥാപനങ്ങള്( സൈക്കോ-സോഷ്യല് റീ ഹാബിലിറ്റേഷന് ആന്ഡ് എസ്റ്റാബ്ലിഷ്മെന്റ് കെയര്ഹോം ഫോര് മെന്റലി ഇല് ഇന്സ്റ്റിറ്റിയൂഷന്സ്)ക്ക് 2021-22 വര്ഷത്തെ ഗ്രാന്ഡ് അനുവദിക്കുന്നതിനുള്ള അപേക്ഷ ക്ഷണിച്ചു. നിശ്ചിതഫോര്മാറ്റില് തയ്യാറാക്കിയ അപേക്ഷയുടെ രണ്ട് പകര്പ്പ് ജില്ലാ സാമൂഹികനീതി ഓഫീസ്, സിവില് സ്റ്റേഷന്, കോഴിക്കോട്, 673020 എന്ന വിലാസത്തില് മെയ് 30-നകം ലഭിക്കണം.
അതിഥിത്തൊഴിലാളികള്ക്കായി കണ്ട്രോള് റൂം
കോവിഡ് വ്യാപനം രൂക്ഷമായ സാഹചര്യത്തില് ജില്ലയിലെ അതിഥി ത്തൊഴിലാളികള് നേരിടുന്ന വിവിധ പ്രശ്നങ്ങള് പരിഹരിക്കുന്നതിനായി് ജില്ലാ ലേബര് ഓഫീസ് കേന്ദ്രീകരിച്ച് കണ്ട്രോള് റും പ്രവര്ത്തനമാരംഭിച്ചതായി ജില്ലാ ലേബര് ഓഫീസര് അറിയിച്ചു.
നമ്പര് : 0495 2370538, 8547656276
റാങ്ക് പട്ടിക പ്രസിദ്ധീകരിച്ചു
കോഴിക്കോട് ജില്ലയില് റൂറല് ഡെവലപ്മെന്റ് വകുപ്പില് വി.ഇ.ഒ ഗ്രേഡ് II (കാറ്റഗറി നം. 276/18) തസ്തികയുടെ റാങ്ക് പട്ടിക പ്രസിദ്ധീകരിച്ചു.
റേഷന് കാര്ഡ്: നടപടികള് നിര്ത്തിവെച്ചു
കൊയിലാണ്ടി താലൂക്ക് സപ്ലൈ ഓഫീസിലെ ജീവനക്കാര്ക്ക് കോവിഡ് സ്ഥിരീകരിച്ചതിനാല് പൊതുജനങ്ങള്ക്ക് സപ്ലൈ ഓഫീസിലേക്കുളള പ്രവേശനം നിരോധിച്ചു. റേഷന് കാര്ഡ് സംബന്ധമായ എല്ലാ നടപടികളും ഇനിയൊരറിയിപ്പുണ്ടാകുന്നതുവരെ താല്ക്കാലികമായി നിര്ത്തിവെച്ചതായി സപ്ലൈ ഓഫീസര് അറിയിച്ചു. അപേക്ഷകള് ഓണ്ലൈന് വഴി സ്വീകരിക്കും
