ഇടതുമുന്നണിക്ക് ഭരണത്തുടര്ച്ചയെന്ന പ്രീപോള് സര്വേയ്ക്ക് മറുപടിയുമായി പ്രതിപക്ഷ നേതാവ് രമേശ് ചെന്നിത്തല. പ്രീപോള് സര്വേ ഫലം കണ്ട് കോണ്ഗ്രസിന് ഭയമില്ല. തെരഞ്ഞെടുപ്പില് കാണാമെന്നും രമേശ് ചെന്നിത്തല പറഞ്ഞു.
സംസ്ഥാനത്ത് ഭരണ തുടർച്ചയുണ്ടാകുമെന്ന് ഏഷ്യാനെറ്റ് ന്യൂസ് സീ ഫോർ പ്രീ പോൾ സർവേ ഫലം. എൽ.ഡി.എഫ് 72 മുതൽ 78 വരെ സീറ്റ് നേടുമെന്നാണ് സർവേ. യു.ഡി.എഫിന് 59 മുതൽ 65 വരെ സീറ്റ് ലഭിക്കുമെന്നും മൂന്നു മുതൽ ഏഴുവരെ എൻ.ഡി.എക്ക് ലഭിക്കാമെന്നും സർവേ പ്രവചിക്കുന്നു. എൽ.ഡി.എഫിന്-41, യു.ഡി.എഫിന് -39, എൻ.ഡി.എക്ക് -18 ശതമാനം വോട്ട് ലഭിക്കും.
68 മുതല് 78 സീറ്റുകള് വരെ ഇടതുമുന്നണിക്ക് ലഭിക്കുമെന്നാണ് ട്വന്റിഫോര് പ്രവചനം. യുഡിഎഫിന് 62 മുതല് 72 സീറ്റുകള് വരെ ലഭിക്കുമെന്നും പ്രവചിക്കുന്നു. എന്ഡിഎയ്ക്ക് രണ്ടു സീറ്റുകള് വരെയാണ് ട്വന്റിഫോര് സര്വേയില് കണ്ടെത്തിയിരിക്കുന്നത്. സര്വേയില് പങ്കെടുത്ത 42.38 ശതമാനം പേരാണ് എല്ഡിഎഫ് ഭരണം തന്നെയുണ്ടാകുമെന്ന് അഭിപ്രായപ്പെട്ടത്. 40.72 ശതമാനം പേര് യുഡിഎഫിനെയും 16.9 ശതമാനം പേര് എന്ഡിഎയെയും പിന്തുണച്ചു.
പൊതുജനങ്ങളുടെ മനസിലെ മുഖ്യമന്ത്രി പിണറായി വിജയനാണെന്നാണ് ട്വന്റിഫോര് സര്വേ കണ്ടെത്തിയിരിക്കുന്നത്. 30 ശതമാനം പേര് പിണറായി വിജയനെ പിന്തുണച്ചപ്പോള് 22 ശതമാനം പേര് ഉമ്മന്ചാണ്ടിയേയും രമേശ് ചെന്നിത്തലയെ 18 ശതമാനം പേരുമാണ് പിന്തുണച്ചത്. കെ.കെ ശൈലജയ്ക്ക് 11 ശതമാനവും ഇ.ശ്രീധരന് 10 ശതമാനവും കെ.സുരേന്ദ്രന് 9 ശതമാനം പേരുടെയും പിന്തുണയുമാണ് ലഭിച്ചത്.
