സോഷ്യല്‍ മീഡിയയില്‍ തരംഗമായി പാടത്തു ഞാറു നട്ടും ട്രാക്ടര്‍ ഓടിച്ചുമുള്ള ആലത്തൂര്‍ എംപി രമ്യ ഹരിദാസിന്റെ ഫോട്ടോകള്‍. രമ്യയുടെ സമൂഹമാധ്യമ അക്കൗണ്ടില്‍ പങ്കുവച്ച തത്സമയ വിഡിയോയ്ക്ക് മികച്ച സ്വീകരണമാണ് ലഭിക്കുന്നത്.
ജൂണ്‍ 29 ശനിയാഴ്ച രമ്യ കര്‍ഷകര്‍ക്കൊപ്പം പണിയെടുക്കാന്‍ എത്തിയതാണ് സോഷ്യല്‍ മീഡിയയില്‍ വന്‍ സ്വീകാര്യതക്ക് ഇടയാക്കിയത്. മണ്ണിലിറങ്ങി പണിയെടുക്കുന്ന എംപിയെ അഭിനന്ദനങ്ങള്‍ കൊണ്ടു മൂടുകയാണ്.
ഇടതു കോട്ട എന്ന് അറിയപ്പെട്ടിരുന്ന ആലത്തൂരില്‍, സിറ്റിങ് എംപി പി.കെ ബിജുവിനെ വന്‍ഭൂരിപക്ഷത്തില്‍ തോല്‍പ്പിച്ചാണ് രമ്യ ലോക്‌സഭയില്‍ എത്തിയത്. രമ്യയുടെ വിജയത്തിലും സോഷ്യല്‍ മീഡിയയിലെ ക്യാമ്പയിനിങ് വലിയ സ്വാദീനം ചെലുത്തിയിരുന്നു
