അഭയകേസില് അപ്പീല് ഹര്ജിയുമായി ഹൈക്കോടതിയെ സമീപിച്ച് ഫാദര് തോമസ് കോട്ടൂരും സിസ്റ്റര് സെഫിയും. സിബിഐ കോടതിയുടെ ജീവപര്യന്തം തടവിന് ശിക്ഷിച്ച വിധിക്കെതിരെയാണ് ഇരുവരും ഹൈക്കോടതിയെ സമീപിച്ചത്. അടയ്ക്കാ രാജുവിന്റെ മൊഴി വിശ്വസനീയമല്ല. വിചാരണയും ശിക്ഷയും നിയമപരമല്ലെന്നാണ് പ്രതികളുടെ വാദം.
28 വര്ഷം നീണ്ട നിയമനടപടികള്ക്ക് ശേഷമാണ് അഭയ കേസില് ഒന്നാം പ്രതി ഫാദര് തോമസ് കോട്ടൂരും, മൂന്നാം പ്രതി സിസ്റ്റര് സെഫിയും കൊലക്കുറ്റമടക്കമുള്ള വകുപ്പുകള് പ്രകാരം കുറ്റക്കാരാണെന്ന് കണ്ടെത്തി ശിക്ഷിക്കപ്പെടുന്നത്. എന്നാല് രണ്ട് സാക്ഷി മൊഴികളുടെ മാത്രം അടിസ്ഥാനത്തില് കൊലക്കുറ്റം ചുമത്തിയ നടപടിയെ അപ്പീല് ഹര്ജിയില് ചോദ്യം ചെയ്യുകയാണ് പ്രതികള്. ഡിസംബര് 23 നായിരുന്നു അഭയ കേസില് ഫാദര് തോമസ് കോട്ടൂരിനെ ഇരട്ട ജീവപര്യന്തം തടവിനും സിറ്റര് സെഫിയെ ജീവപര്യന്തം തടവിനും ശിക്ഷിക്കുന്നത്.
