കൊവിഡ് പ്രതിരോധത്തില് കേന്ദ്ര സര്ക്കാര് സ്വീകരിച്ച നയങ്ങളെ രൂക്ഷമായി വിമര്ശിച്ച് കോണ്ഗ്രസ് നേതാവ് രാഹുല് ഗാന്ധിരംഗത്ത് .
2020-2021 വര്ഷത്തില് ഇന്ത്യയുടെ ജി.ഡി.പി വളര്ച്ച -10.3 ശതമാനമായിരിക്കുമെന്ന ഐ.എം.എഫിന്റെ കണക്കുകള് പുറത്തുവന്നതിന്റെ പശ്ചാത്തലത്തിലാണ് രാഹുല് ഗാന്ധിയുടെ പരാമര്ശം.
ഐ.എം.എഫ് പുറത്തുവിട്ട ചാര്ട്ടിന്റെ ചിത്രം കൂടി പങ്കുവെച്ചുക്കൊണ്ടാണ് രാഹുലിന്റെ ട്വീറ്റ്. ‘ഇതാ ബി.ജെ.പി സര്ക്കാരിന്റെ അടുത്ത അതിഗംഭീരന് നേട്ടം. കൊവിഡിനെ നേരിടുന്നതില് പാക്കിസ്ഥാനും അഫ്ഗാനിസ്ഥാനും ഇന്ത്യയേക്കാള് എത്രയോ ഭേദമാണ്.എന്നാണ് രാഹുൽ കളിയാക്കികൊണ്ട് ട്വിറ്ററിലെഴുതിയത് .
ഈ സാമ്പത്തിക വര്ഷം ഇന്ത്യയുടെ ജി.ഡി.പി 10.3 ശതമാനം കുറയുമെന്നും ആളോഹരി വരുമാനത്തില് ബംഗ്ലാദേശിനേക്കാള് താഴെയാകും ഇന്ത്യയുടെ സ്ഥാനമെന്നുമാണ് ഐ.എം.എഫ് വിലയിരുത്തിയിരുന്നത്
കൊവിഡും തുടര്ന്നുണ്ടായ ലോക്ഡൗണും മൂലം ഇന്ത്യന് സമ്പദ്വ്യവസ്ഥയില് 10.3 ശതമാനത്തിന്റെ ഇടിവുണ്ടെന്ന് ഐ .എം.എഫ് വ്യക്തമാക്കിയത്. വികസ്വര രാജ്യങ്ങളില് ഏറ്റവും വലിയ തകര്ച്ചയെ അഭിമുഖീകരിക്കുക ഇന്ത്യയാവുമെന്നും
സ്വാതന്ത്ര്യത്തിന് ശേഷമുള്ള ഏറ്റവും വലിയ തകര്ച്ചയിലേക്ക് രാജ്യം എത്തിച്ചേരുമെന്നും ഐ.എം.എഫ് മുന്നറിയിപ്പ് നല്കിയിട്ടുണ്ട്.കൊവിഡിന് മുമ്പ് തന്നെ ഇന്ത്യന് സമ്പദ്വ്യവസ്ഥ പ്രതിസന്ധിയിലായിരുന്നു. .
നടപ്പ് സാമ്പത്തിക വര്ഷത്തില് ഇന്ത്യയുടെ ജി.ഡി.പിയില് 10.3 ശതമാനത്തിന്റെ കുറവാണുണ്ടാകുക. സ്വാതന്ത്ര്യത്തിന് ശേഷം ഇന്ത്യന് സമ്പദ്വ്യവസ്ഥ അഭിമുഖീകരിക്കുന്ന ഏറ്റവും വലിയ തകര്ച്ചയാണ് ഇതെന്നും ഐ.എം.എഫ് അറിയിച്ചിട്ടുണ്ട്.
