കോവിഡ് രോഗബാധിതരുടെ എണ്ണം രേഖപ്പെടുത്തിയ രാജ്യങ്ങളുടെ പട്ടികയിൽ ബ്രസീലിനെ മറികടന്ന് ഇന്ത്യ രണ്ടാം സ്ഥാനത്ത്. കത്തുടർച്ചയായ രണ്ടു ദിവസങ്ങളിലും പ്രതിദിന കണക്കുകളിൽ വൻ വർധനവാണ് ഇന്ത്യയിൽ ഉണ്ടായിരിക്കുന്നത്. രണ്ടു ദിവസവും ഇന്ത്യയിൽ 90000ത്തിൽ അധികം രോഗികൾ റിപ്പോർട്ട് ചെയ്തിട്ടുണ്ട്.
ആകെ രോഗബാധിതർ 42 ലക്ഷം കടന്നു. രാജ്യത്ത് കൊവിഡ് അതിതീവ്രമായി പടരുകയാണ്. 24 മണിക്കൂറിനിടെ 90,802 പേർക്ക് രോഗം സ്ഥിരീകരിച്ചു . വൈറസ് ബാധിച്ചവരുടെ ആകെ എണ്ണം 42,04,614 ആയി. 1,016 പേർ കൂടി മരിച്ചതോടെ മരണസംഖ്യ 71,642 ആയി.
