തിരുവനന്തപുരം: സ്വർണക്കടത്ത് കേസിൽ സ്വപ്നയുടെ മൊഴി കസ്റ്റംസിൽ നിന്നാണ് ചോർന്നതെന്ന് ഇന്റലിജൻസ് ബ്യൂറോ റിപ്പോർട്ട് നൽകി. സ്വപ്നയുടെ മൂന്ന് പേജ് മൊഴി നേരത്തെ ചോർന്നത് വിവാവാദമായിരുന്നു ഇതിന്റെ അടിസ്ഥാനത്തിൽ നടത്തിയ അന്വേഷണത്തിലാണ് മൊഴി കസ്റ്റംസിൽ നിന്നാണ് ചോർന്നതെന്ന് കസ്റ്റംസ് കമ്മീഷണർക്ക് ഐബി ഇന്നലെ കൈമാറിയ റിപ്പോർട്ടിൽ പറയുന്നത്.
റിപ്പോർട്ട് കസ്റ്റംസ് കമ്മീഷ്ണർ സുനിൽ കുമാറിന് സമർപ്പിച്ചിട്ടുണ്ട്. അനിൽ നമ്പ്യാരെ കുറിച്ചും, ബിജെപിയെ കുറിച്ചും പരാമർശിക്കുന്ന ഭാഗമാണ് ചോർന്നത്. കസ്റ്റംസ് കമ്മീഷ്ണർ ഐബിയുടെ സഹായം തേടിയിരുന്നു. മൊഴി രേഖപ്പെടുത്തി മൂന്ന് ഉദ്യോഗസ്ഥരിൽ ഒരാൾക്കെതിരെയാണ് ഐബിയുടെ റിപ്പോർട്ട്.
ഡിജിറ്റൽ പരിശോധനയ്ക്ക് ശേഷമാണ് ഐബിക്ക് ഇത് സംബന്ധിച്ച നിഗമനത്തിൽ എത്താൻ സാധിച്ചത്.
