ഇന്ത്യയിൽ കോവിഡ് രോഗബാധിതരുടെ എണ്ണം ക്രമാതീതമായി വർദ്ധിക്കുന്നു. കഴിഞ്ഞ 24 മണിക്കൂറിനിടെ 69,239 പേർക്ക് രോഗം സ്ഥിരീകരിച്ചു. ഇതോടെ രാജ്യത്ത് കോവിഡ് രോഗബാധിതരുടെ എണ്ണം 30,44,490 ആയി ഉയർന്നു.
പ്രതിദിനം രാജ്യത്ത് ആയിരത്തിനടുത്ത് കോവിഡ് മരണം റിപ്പോർട്ട് ചെയ്തതോടെ രാജ്യത്ത് മരണ സംഖ്യയും ഉയർന്നു. ഇന്നലെ മാത്രം 912 പേരാണ് കോവിഡ് മൂലം മരിച്ചത്. ഇതോടെ രാജ്യത്ത് മരിച്ചവരുടെ എണ്ണം 56,706 ആയി ഉയർന്നു.
നിലവിൽ 7,07,668 പേരാണ് രാജ്യത്ത് കൊവിഡ് സ്ഥിരീകരിച്ച് ചികിത്സയിലുള്ളത്. ഇത് വരെ 22,80,566 പേർ രോഗമുക്തി നേടി. 74.90 ശതമാനമാണ് രോഗമുക്തി നിരക്ക്.
രാജ്യത്ത് ഏറ്റവും രൂക്ഷമായി കോവിഡ് ബാധിച്ച മഹാരാഷ്ട്രയിൽ രോഗികളുടെ എണ്ണം ഉയരുകയാണ്. മഹാരാഷ്ട്രയിൽ ഇന്നലെ 14,492 പേർ രോഗബാധിതരായി. ഇതോടെ സംസ്ഥാനത്ത് രോഗബാധിതരുടെ എണ്ണം 6,61,942 ആയി
ആന്ധ്രയിൽ 10,276, തമിഴ്നാട് 5980,കർണാടക 7330 എന്നിങ്ങനെയാണ് ഇന്നലത്തെ രോഗ ബാധിതരുടെ എണ്ണം. തമിഴ്നാട്ടിൽ 3,73,410 ഉം ആന്ധ്രയിൽ 3,45,216 ഉം പേർ രോഗബാധിതരായി.
