മലപ്പുറം :കരിപ്പൂർ വിമാന അപകടത്തിൽ രക്ഷാപ്രവർത്തനം നടത്തിയ 10 പേർക്ക് കോവിഡ്
സ്ഥിരീകരികരണം. കൊണ്ടോട്ടി നഗരസഭ പരിധിയിലെ 10 പേർക്കാണ് ഇന്നലെ രോഗം സ്ഥിരീകരിച്ചത്.
നേരത്തെ രക്ഷാ പ്രവർത്തനത്തിൽ ഏർപ്പെട്ടവർ നിരീക്ഷണത്തിൽ പ്രവേശിക്കണമെന്നു ആരോഗ്യ വകുപ്പും സർക്കാരും നിർദ്ദേശം നൽകിയിരുന്നു.
ഇന്നലെ രോഗം സ്ഥിരീകരിച്ചവരിൽ നേടിയിരുപ്പ് മേഖലയിൽ നിന്ന് ആറും കൊണ്ടോട്ടി മേഖലയിൽ നിന്ന് നാല് വീതവും പോസിറ്റീവ് കേസുകളാണ് റിപ്പോർട്ട് ചെയ്തിരിക്കുന്നത്. കഴിഞ്ഞ ഞായറാഴ്ച രക്ഷാ പ്രവർത്തനം നടത്തിയ മൂന്ന് പേർക്ക് കൊവിഡ് സ്ഥിരീകരിച്ചിരുന്നു.
കഴിഞ്ഞ ദിവസം കരിപ്പൂരിൽ മരണപ്പെട്ടവരുടെ ഇൻക്വസ്റ്റ് സംഘത്തിലുണ്ടായിരുന്ന അസിസ്റ്റന്റ് കമ്മീഷണർക്ക് കോവിഡ് സ്ഥിരീകരിച്ചിരുന്നു. കരിപ്പൂർ റെസ്ക്യൂ മിഷന്റെ ഭാഗമായതിനെ തുടർന്ന് നിരീക്ഷണത്തിൽ പോയ മലപ്പുറം ജില്ലാ കളക്ടർ കെ ഗോപാലകൃഷ്ണൻ ഉൾപ്പടെയുള്ള ഉന്നത ഉദ്യോഗസ്ഥർക്കും കൊവിഡ് ബാധ സ്ഥിരീകരിച്ചിരുന്നു. രക്ഷാ പ്രവർത്തനത്തിൽ പങ്കാളികളായ 200 ഓളം പേർ നിരീക്ഷണത്തിലാണ്
