തിരുവനന്തപുരം : പൂജപ്പുര സെന്ട്രല് ജയിലില് 63 തടവുകാര്ക്കു കൂടി കോവിഡ് സ്ഥിരീകരിച്ചു. കഴിഞ്ഞ രണ്ടുദിവസങ്ങളായി 100 ഓളം തടവുകാര്ക്ക് ഇവിടെ കൊവിഡ് സ്ഥിരീകരിച്ചിരുന്നു. ഇതുമായി ബന്ധപ്പെട്ട് 143 പേരില് നടത്തിയ ആന്റിജന് ടെസ്റ്റിലാണ് 63 പേര്ക്ക് കോവിഡ് സ്ഥിരീകരിച്ചു. നിലവില് ജയില് ആസ്ഥാനവും രണ്ടുദിവസത്തേക്ക് അടച്ചിട്ടിരിക്കുകയാണ്.
ജയിലിലെ കൊവിഡ് വ്യാപനം രൂക്ഷമാവുകയാണ്. സ്പെഷ്യല് സബ് ജയിലിലെ ഒരാള്ക്കും ഇന്ന് കൊവിഡ് സ്ഥിരീകരിച്ചിട്ടുണ്ട്. പൂജപ്പുര സെന്ട്രല് ജയിലിലെ ഉദ്യോഗസ്ഥര്ക്കും പരിശോധന നടത്തുന്നുണ്ട്. ഈ പരിശോധനാ ഫലങ്ങള് വൈകുന്നേരത്തോടെ ലഭ്യമാകും.
