രാജ്യത്ത് കോവിഡ് വ്യാപനം ദിനംപ്രതി വര്ധിക്കുന്നു. 24 മണിക്കൂറിനിടെ 28,701 പേര്ക്ക് കോവിഡ് ബാധിച്ചു. ഇതോടെ രാജ്യത്തെ കോവിഡ് രോഗബാധിതരുടെ എണ്ണം 8,78, 254 ആയി ഉയര്ന്നു. ഇന്നലെ മാത്രം മരിച്ചത് 500 പേരാണ് ഇന്ത്യയില് കോവിഡ് ബാധിച്ച് മരിച്ചത്. ഇതോടെ ് മരണം 23,174 ആയി. രാജ്യത്ത് 3,01,609 പേരാണ് നിലവില് കോവിഡ് ബാധിച്ച് ചികില്സയിലുള്ളത്. 5,53,471 പേര് രോഗമുക്തി നേടിയതായും കേന്ദ്ര ആരോഗ്യമന്ത്രാലയം അറിയിച്ചു.
രാജ്യത്ത് മഹാരാഷ്ട്ര, തമിഴ്നാട്, ഡല്ഹി, ഗുജറാത്ത് തുടങ്ങിയ സംസ്ഥാനങ്ങളിലാണ് സ്ഥിതി ഏറെ രൂക്ഷമായിട്ടുള്ളത്. നിലവില് ഏറ്റവും കൂടുതല് കോവിഡ് ബാധിതരുള്ളത് മഹാരാഷ്ട്രയിലാണ്. സംസ്ഥാനത്തെ രോഗബാധിതരുടെ എണ്ണം രണ്ടരലക്ഷം കടന്നു. കേന്ദ്ര ആരോഗ്യ കുടുംബക്ഷേമ മന്ത്രാലയത്തിന്റെ കണക്കു പ്രകാരം നിലവില് മഹാരാഷ്ട്രയില് 2,54,427 പേര്ക്ക് കോവിഡ് സ്ഥിരീകരിച്ചിട്ടുണ്ട്. 1,03,813 പേര് ചികിത്സയില് തുടരുകയാണ്. 1,40,325 പേര് രോഗമുക്തി നേടി. 10,289 പേരാണ് ഇതിനോടകം രോഗം ബാധിച്ച് മരിച്ചത്. തമിഴ്നാട്ടില് 1,38,470 പേര്ക്കാണ് രോഗം സ്ഥിരീകരിച്ചത്. 1,966 പേര് മരിച്ചു. 89,532 പേര് രോഗമുക്തി നേടിയപ്പോള് 46,972 പേരാണ് നിലവില് ചികിത്സയിലുള്ളത്.
