സംസ്ഥാനത്ത് എസ്എസ്എല്സി, ടിഎച്ച്എസ്എല്സി, എഎച്ച്എസ്എല്സി പരീക്ഷ ഫലം നാളെ. ഉച്ചയ്ക്ക് രണ്ട് മണിയോടെയാണ് എസ്എസ്എല്സി ഫലം പ്രഖ്യാപിക്കുക. കേരളാ ഇന്ഫ്രാസ്ട്രക്ചര് ആന്ഡ് ടെക്നോളജി ഫോര് എഡ്യൂക്കേഷന് (കൈറ്റ്) ഉള്പ്പെടെയുള്ള സൈറ്റുകളിലൂടെ വിദ്യാര്ഥികള്ക്ക് ഫലം അറിയാനാകും.
www.result.kite.kerala.gov.in എന്ന പ്രത്യേക വെബ് പോര്ട്ടല് വഴിയും ‘സഫലം 2020’ എന്ന മൊബൈല് ആപ് വഴിയും ഫലമറിയാന് സംവിധാനം ഒരുക്കിയിട്ടുണ്ട്. ഇന്ഫര്മേഷന് പബ്ളിക് റിലേഷന്സ് വകുപ്പിന്റെ ഔദ്യോഗിക മൊബൈല് ആപ്പായ പി.ആര്.ഡി ലൈവിലും ഫലം ലഭിക്കും. ഫലപ്രഖ്യാപനം നടന്നാലുടന് ഫലം പിആര്ഡി ലൈവില് ലഭ്യമാകും. ഹോം പേജിലെ ലിങ്കില് റജിസ്റ്റര് നമ്പര് നല്കിയാല് വിശദമായ ഫലം അറിയാം.
ഹയര് സെക്കന്ഡറി, വൊക്കേഷണല് ഹയര് സെക്കന്ഡറി പരീക്ഷകളുടെ ഫലം ജൂലൈ 10നകം പ്രഖ്യാപിക്കുമെന്ന് പൊതു വിദ്യാഭ്യാസ ഡയറക്ടര് നേരത്തെ അറിയിച്ചിരുന്നു. പരീക്ഷകള് മാര്ച്ച് 10നു ആരംഭിച്ചെങ്കിലും കോവിഡ് പശ്ചാത്തലത്തില് മാര്ച്ച് 19ന് നിര്ത്തിവച്ചു. പിന്നീട് മേയ് 26 മുതല് 30വരെ നടത്തി.
