തിരുവനന്തപുരം: ഓണാവധിയിലെ തിരക്ക് പരിഗണിച്ച് കര്ണാടകയില് നിന്ന് കേരളത്തിലേക്ക് 150 പ്രത്യേക കെ.എസ്.ആര്.ടി.സി ബസ് സര്വീസുകള് നടത്താന് ഉത്തരവായി. കര്ണാടക ഗതാഗത മന്ത്രി ബി.എസ്. ബൈരതി സുരേഷാണ് ഇതുസംബന്ധിച്ച ഉത്തരവിട്ടത്. സര്വീസുകളുടെ എണ്ണം വര്ദ്ധിപ്പിക്കണമെന്ന് ആവശ്യപ്പെട്ട് കെ.സി. വേണുഗോപാല് എം.പി നല്കിയ നിര്ദ്ദേശം പരിഗണിച്ചാണ് ഈ തീരുമാനം. ട്രെയിനുകളില് ടിക്കറ്റ് ലഭ്യമല്ലാത്തതും സ്വകാര്യ ബസുകളുടെ അമിത നിര ഈടാക്കുന്നതും യാത്രക്കാര്ക്ക് വലിയ പ്രതിസന്ധിയാകുന്നത് തിരിച്ചറിഞ്ഞാണ് എം.പിയുടെ ഇടപെടല്. ആദ്യം പ്രഖ്യാപിച്ചിരുന്നത് 60 ബസുകളായിരുന്നു.
ബംഗളൂരുവില് നിന്ന് കോഴിക്കോട്, കോട്ടയം, പാലക്കാട്, തൃശൂര്, എറണാകുളം, ആലപ്പുഴ, കൊല്ലം, തിരുവനന്തപുരം, കാസര്കോട് എന്നീ പ്രധാന ജില്ലകളിലേക്കാണ് സര്വീസുകള് ക്രമീകരിച്ചിരിക്കുന്നത്. ഓണം ആഘോഷിക്കാനായി നാട്ടിലേക്ക് പോകുന്നവര്ക്കായി ഈ മാസം 21 മുതല് 25 വരെയാണ് കര്ണാടകയില് നിന്നുള്ള കേരളത്തിലേക്കുള്ള സര്വീസുകള് ഷെഡ്യൂള് ചെയ്തിരിക്കുന്നത്. തുടര്ന്ന്, ഇവിടങ്ങളില് നിന്ന് കര്ണാടകയിലേക്ക് തിരികെ പോകേണ്ടവര്ക്കായി 27 മുതല് 30 വരെയുള്ള ദിവസങ്ങളിലും മടക്ക സര്വീസുകളും ലഭ്യമാക്കിയിട്ടുണ്ട്
