കാസര്കോഡ് എംഡിഎംഎയുമായി പിടിയിലായവര് മുഖ്യമന്ത്രി വി ഡി സതീശനുമായി അടുത്ത ബന്ധമെന്ന് ഡിവൈഎഫ്ഐ സംസ്ഥാന സെക്രട്ടറി വി.കെ സനോജ്. വി ഡി സതീശന് സോഷ്യല് മീഡിയ പേജിന്റെ കോര്ഡിനേറ്ററാണ് പ്രതി മുഹമ്മദ് ഹുസൈന്. ഹുസൈന്റെ വീട്ടില് പ്രതിപക്ഷ നേതാവായിരിക്കെ വിഡി സതീശന് വിരുന്നിന് പോയിട്ടുണ്ട്. അന്വേഷണ പരിധിയില് മുഖ്യമന്ത്രിയുടെ ഓഫീസിനെ കൊണ്ടുവരണമെന്നും വികെ സനോജ് ആവശ്യപ്പെട്ടു.
ഹുസൈന് അടക്കം മൂന്നു പേരെ ഞായറാഴ്ച എം ഡി എം എയുമായി പോലീസ് പിടികൂടിയിരുന്നു. എറണാകുളം വെങ്ങോല സ്വദേശികളായ പി എ അബ്ദുള് സലാം, കെ എച്ച് മുഹമ്മദ് ഹുസൈന്, പി എ അബ്ബാസ് എന്നിവരെയും പിടികൂടിയിട്ടുണ്ട്. വെങ്ങോല പഞ്ചായത്തിലെ 142-ാം ബൂത്ത് പ്രസിഡന്റ് ആണ് ഹുസൈന്. പിടിയിലായവരെല്ലാം സജീവ കോണ്ഗ്രസ് പ്രവര്ത്തകരാണ്. കാലിക്കടവില് വെച്ച് 139.29 ഗ്രാം എംഡിഎംഎയാണ് ഇവരില് നിന്ന് പിടികൂടിയത്. മുഹമ്മദ് ഹുസൈന് കോണ്ഗ്രസിന്റെ ലഹരി വിരുദ്ധ പ്രചാരണത്തിലും പങ്കെടുത്തിരുന്നു.
