സ്പെയിൻ : കോവിഡ് സാഹചര്യത്തിൽ നിർത്തി വെച്ച ലാ ലീഗ മത്സരങ്ങൾ ജൂൺ 11 നു പുനരാരംഭിക്കാൻ ഇരിക്കെ ബാഴ്സ താരം ലയണൽ മെസ്സിയുടെ പരിക്കിന്റെ കാര്യത്തിൽ ആശങ്ക വേണ്ടായെന്ന് ബാഴ്സലോണ പരിശീലകൻ ക്വീകെ സെറ്റിയൻ. മെസിയ്ക്കു പറ്റിയ പരിക്ക് ഗുരുതരമുള്ളതല്ല ആദ്യ കളിയിൽ തന്നെ താരം കളിക്കുമെന്നും അദ്ദേഹം സൂചിപ്പിച്ചു. ജൂൺ 13 നു മല്ലോർക്കയ്ക്കെതിരെയാണ് ബാഴ്സയുടെ ആദ്യ മത്സരം.
വരാനിരിക്കുന്ന മുഴുവൻ കളികളും വിജയിച്ചെങ്കിൽ മാത്രമേ ടീമിന് കപ്പ് നേടാൻ സാധിക്കുകയുള്ളുവെന്ന് ബാഴ്സലോണ കോച്ച് ക്വീകെ സെറ്റിയൻ . 27 മത്സരങ്ങളിൽ നിന്ന് 18 ജയവും നാലു തോൽവിയും അഞ്ചു സമനിലയുമായി 58 പോയിന്റോടെ ബാഴ്സ ഒന്നാം സ്ഥാനത്ത് ആണെങ്കിലും. രണ്ടാം സ്ഥാനത്തുള്ള റയലുമായി രണ്ടു പോയിന്റ് മാത്രമാണ് വ്യത്യാസം. ഈ സാഹചര്യത്തിലാണ് കോച്ച് തന്റെ അഭിപ്രായം രേഖപ്പെടുത്തിയത്.
മാനസികമായി ഞങ്ങൾ തയ്യറാണെന്നും എതിരാളികളുടെ ശക്തി നോക്കി തന്ത്രങ്ങൾ മെനയുമെന്നും അദ്ദേഹം പറഞ്ഞു. അടുത്ത ഒരാഴ്ച്ച കൂടി കടുത്ത പരിശീലനം ആവിശ്യം ഉണ്ടെന്നും അദ്ദേഹം പറഞ്ഞു.
