കോവിഡ് പ്രതിസന്ധിമൂലം വിദേശത്തുനിന്നു തിരിച്ചെത്തുന്ന മലയാളി പ്രവാസികള്ക്ക് സര്ക്കാര് ക്വാറന്റൈന് 14 ദിവസമാക്കി മാറ്റുന്നു. നേരത്തെ തിരിച്ചെത്തുന്നവര് ഏഴ് ദിവസം സര്ക്കാര് ക്വാറന്റൈനിലും തുടര്ന്ന് ഏഴ് ദിവസം വീട്ടില് ക്വാറന്റൈന് എന്നായിരുന്നു ഇന്നലെ വാര്ത്താസമ്മേളനത്തില് മുഖ്യമന്ത്രി പിണറായി വിജയന് അറിയിച്ചിരുന്നത്.
സര്ക്കാരിന്റെ നിയന്ത്രണത്തില് തന്നെ 14 ദിവസവും ക്വാറന്റൈന് ഏര്പ്പെടുത്തണമെന്ന കര്ശന നിര്ദേശം കേന്ദ്ര സര്ക്കാര് നല്കിയിരുന്നു. ഇതിന് പിന്നാലെയാണ് ഇന്ന് ചേര്ന്ന മന്ത്രിസഭായോഗത്തില് പുനരാലോചന ഉണ്ടായി. ഉന്നതതല അവലോകന യോഗത്തിന് ശേഷം അന്തിമ തീരുമാനം എടുക്കും.
