ന്യൂ ഡൽഹി : രാജ്യത്ത് കഴിഞ്ഞ 24 മണിക്കൂറിനിടെ 1718 കേസുകളാണ് പുതുതായി റിപ്പോര്ട്ട് ചെയ്തത്. കോവിഡ് ബാധിതരുടെ എണ്ണം 33,000 കടന്നു. കോവിഡ് ബാധിച്ചുള്ള മരണം 1074 ആയി ഉയര്ന്നു. കഴിഞ്ഞ ഒരു ദിവസത്തിനിടെ 67 പേര്ക്കാണ് കോവിഡ് മൂലം ജീവന് പൊലിഞ്ഞത്. 8325 പേരാണ് രോഗമുക്തരായത്
മഹാരാഷ്ട്ര, ഗുജറാത്ത്,തമിഴ്നാട് , ഉത്തർ പ്രദേശ് തുടങ്ങിയ സംസ്ഥാനങ്ങളിൽ രോഗികളുടെ എണ്ണം വർധിക്കുന്നത് രാജ്യത്ത് ആശങ്ക ഉയർത്തുന്നുണ്ട്. അതേ സമയം കേരളത്തിലും സുരക്ഷയും ജാഗ്രതയും ശക്തമാക്കുകയാണ്, കഴിഞ്ഞ ദിവസങ്ങളിലായി കോവിഡ് രോഗികളുടെ എണ്ണത്തിൽ വർദ്ധനവ് ഉണ്ടായതിനെ തുടർന്നാണിത്. ഇന്നലെ മൂന്ന് ആരോഗ്യ പ്രവർത്തകരും ഒരു മാധ്യമ പ്രവർത്തകനും ഉൾപ്പടെ പത്ത് പേർക്ക് രോഗം സ്ഥിരീകരിച്ചിരുന്നു.
