ദി ഫാമിലി മാന് 3′ എന്ന പരമ്പരയിലൂടെ പ്രശസ്തനായ നടന് രോഹിത് ബാസ്ഫോറിനെ ഗുവാഹത്തിക്ക് സമീപമുള്ള ഗര്ഭംഗ വെള്ളച്ചാട്ടത്തില് മരിച്ച നിലയില് കണ്ടെത്തി. ഉച്ചക്ക് രണ്ട് മണിയോടെയാണ് സംഭവം നടന്നതെന്ന് റാണി പൊലീസ് പറഞ്ഞു. ഒമ്പത് സഹപ്രവര്ത്തകര്ക്കൊപ്പം വിനോദയാത്രക്ക് പോയപ്പോഴാണ് ബസ്ഫോര് വെള്ളച്ചാട്ടത്തില് വീണതെന്നാണ് പ്രാഥമിക നിഗമനം.
പ്രാഥമിക അന്വേഷണത്തില് ബാസ്ഫോര് അബദ്ധത്തില് വെള്ളച്ചാട്ടത്തില് വീണതാണെന്നാണ് സൂചന. മൃതദേഹം പോസ്റ്റ്മോര്ട്ടം പരിശോധനക്കായി അയച്ചിട്ടുണ്ട്. സംഭവത്തില് ദുരൂഹതയുണ്ടെന്ന് ആരോപിച്ച് കുടുംബം രംഗത്തെത്തിയിട്ടുണ്ട്. ഫോണ് സ്വിച്ച് ഓഫ് ആണെന്നും ബാസ്ഫോറിന് നീന്തല് അറിയില്ലെന്നും കുടുംബം ആരോപിക്കുന്നു. സംഭവത്തില് അന്വേഷണം പുരോഗമിക്കുകയാണ്.
