തിരുവനന്തപുരം: താല്ക്കാലിക വിസയെടുത്ത് സംസ്ഥാനത്ത് കഴിയുന്ന പാകിസ്താന് പൗരര് ചൊവ്വാഴ്ചക്കകം തിരികെ മടങ്ങണമെന്ന് കേരളം നിര്ദേശം നല്കി. ചികിത്സക്ക് വന്നവരടക്കം 104 പാകിസ്താനികളാണ് സംസ്ഥാനത്തുള്ളത്. കേരളീയരെ വിവാഹം കഴിച്ച് കഴിയുന്ന, ദീര്ഘകാല വിസയുള്ള 45 പാകിസ്താനികള്ക്ക് രാജ്യം വിടേണ്ടിവരില്ല. ശേഷിക്കുന്നവര് രാജ്യംവിടണം. 55 പേര് വിസിറ്റിങ് വിസയിലും മൂന്ന് പേര് ചികിത്സക്കും എത്തിയതാണ്. അനധികൃതമായി രാജ്യത്തെത്തിയ ഒരാള് ജയിലിലാണ്.
പഹല്ഗാം ആക്രമണത്തിനു പിന്നാലെ പാകിസ്താന് പൗരരെ തിരിച്ചയക്കണമെന്ന് കേന്ദ്രം സംസ്ഥാന മുഖ്യമന്ത്രിമാരോട് നിര്ദേശിച്ചിരുന്നു. ഇതിന്റെ അടിസ്ഥാനത്തിലാണ് സംസ്ഥാനത്തിന്റെ തീരുമാനം. സംസ്ഥാനത്ത് ഏറ്റവും കൂടുതല് പാക് പൗരരുള്ളത് കണ്ണൂര് ജില്ലയിലാണ്. 71 പേരാണ് കണ്ണൂരിലുള്ളതെന്നാണ് വിവരം. ദീര്ഘകാല വിസയുള്ളവര് കണ്ണൂരിന് പുറമെ മലപ്പുറം, കോഴിക്കോട് ജില്ലകളിലാണ് കൂടുതലുള്ളത്.
