സിപിഐഎം സംസ്ഥാന സമ്മേളനം ഇന്ന് സമാപിക്കും. എം.വി.ഗോവിന്ദന് സംസ്ഥാന സെക്രട്ടറിയായി തുടരും. 15ല് ഏറെപേര് സംസ്ഥാന സമിതിയില് നിന്ന് ഒഴിവാകും. നവകേരള രേഖയിന്മേല് നടന്ന പൊതു ചര്ച്ചക്ക് മുഖ്യമന്ത്രി പിണറായി വിജയന് ഇന്ന് മറുപടി പറയും.. പുതിയ സംസ്ഥാന സമിതിയേയും സംസ്ഥാന സെക്രട്ടറിയേയും ഇന്ന് തെരഞ്ഞെടുക്കും.കോടിയേരി ബാലകൃഷ്ണന് അസുഖബാധിതനായതിനെ തുടര്ന്ന് സംസ്ഥാന സെക്രട്ടറിപദം ഏറ്റെടുത്ത എം.വി.ഗോവിന്ദന്, സമ്മേളനം തിരഞ്ഞടുക്കുന്ന സെക്രട്ടറിയാകുന്നത് ഇതാദ്യമാണ്. പ്രായപരിധി മാനദണ്ഡം നടപ്പാക്കുന്നതിനാല് സംസ്ഥാന സമിതിയില് ഇത്തവണ കൂടുതല് പേര്ക്ക് അവസരം ലഭിക്കും. പ്രായം, ആരോഗ്യ പ്രശ്നങ്ങള്, പ്രവര്ത്തനം എന്നിവയുടെ അടിസ്ഥാനത്തില് പുതിയതായി അധികാര സ്ഥാനത്തെത്തിയ 5 ജില്ലാ സെക്രട്ടറിമാരും വനിതാ,യുവജന നേതാക്കളും സംസ്ഥാന സമിതിയില് എത്തിയേക്കും.
