കൊല്ലം: കൊല്ലം കൊട്ടാരക്കരയില് ആംബുലന്സും ലോറിയും കൂട്ടിയിടിച്ചുണ്ടായ അപകടത്തില് പരിക്കേറ്റ ഒരാള് കൂടി മരിച്ചു. അടൂര് ഏഴംകുളം സ്വദേശി ബിന്ദു (44) ആണ് മരിച്ചത്. ഇതോടെ അപകടത്തില് മരിച്ചവരുടെ എണ്ണം നാലായി. അപകട ദിവസം മരിച്ച തമ്പിയുടെയും ശ്യാമളയുടെയും മകളാണ് ബിന്ദു.
ചൊവ്വാഴ്ച അര്ധരാത്രിക്കുശേഷമാണ് എംസി റോഡില് കൊട്ടാരക്കര സദാനന്ദപുരത്ത് വെച്ച് അപകടമുണ്ടായത്. രോഗിയുമായി ആശുപത്രിയിലേക്ക് പോകുവയായിരുന്ന ആംബുലന്സും ലോറിയും കൂട്ടിയിടിക്കുകയായിരുന്നു. തമ്പിയെ ആംബുലന്സില് ആശുപത്രിയിലേക്ക് കൊണ്ടുപോകുന്നതിനിടെയാണ് അപകടം. ആംബുലന്സ് ഡ്രൈവറടക്കം നാല് പേര്ക്ക് അപകടത്തില് പരിക്കേല്ക്കുകയും ചെയ്തിരുന്നു.
