തിരുവനന്തപുരം: സി.പി.എം നേതാക്കളുടെ പങ്ക് പൊതു സമൂഹത്തെ ബോധ്യപ്പെടുത്തുന്നതെന്ന് പെരിയ ഇരട്ടക്കൊലക്കേസിന്റെ വിധിയില് പ്രതികരിച്ച് കെ.കെ.രമ എം.എല്.എ. എത്ര ശിക്ഷ ലഭിച്ചാലാണ് സി.പി.എം നേതാക്കള് കൊലവാള് താഴെ വെക്കാന് തയ്യാറാവുക എന്നും അവര് ചോദിച്ചു. ടി.പി വിധത്തിനുശേഷം പാര്ട്ടി നേതാക്കള് വീണ്ടും കൊലപാതകത്തിനിറങ്ങിയെന്നും രമ ചൂണ്ടിക്കാട്ടി.
സി.ബി.ഐ കോടതി വിധി സി.പി.എമ്മിന്റെ മസ്തിഷ്കത്തിന് ഏറ്റ അടിയാണ്. പാര്ട്ടിയുടെ ഉന്നത നേതാക്കള് ഉള്പ്പെട്ട വലിയ ഗൂഢാലോചനയാണ് നടന്നത്. അതിനാലാണ് സി.ബി.ഐ അന്വേഷണത്തെ പാര്ട്ടി എതിര്ത്തതെന്നും കെ.കെ. രമ പ്രസ്താവിച്ചിരുന്നു.
