കണ്ണൂര്: കണ്ണൂര് പിണറായി കനാല്ക്കരയില് കോണ്ഗ്രസ് ഓഫീസ് ആക്രമിച്ച കേസില് യുവാവിനെ അറസ്റ്റ് ചെയ്തു. കനാല്ക്കര സ്വദേശി വിപിന് രാജാണ് അറസ്റ്റിലായത്. സിപിഎം അനുഭാവിയാണ് വിപിന് രാജെന്ന് പൊലീസ് പറഞ്ഞു. ഇന്നലെ ആക്രമണം നടന്ന ഓഫീസ് കെപിസിസി അധ്യക്ഷന് കെ സുധാകരന് ഓഫീസ് ഉദ്ഘാടനം ചെയ്തിരുന്നു.
കെട്ടിത്തിന്റെ ജനല് ചില്ലുകള് തകര്ത്ത്, വാതിലിന് തീയിട്ടിരുന്നു. പിന്നില് സിപിഎം ആണെന്നായിരുന്നു കോണ്ഗ്രസ് ആരോപണം. ഇന്നലെ രാവിലെയായിരുന്നു ജനല് ചില്ലുകള് തകര്ത്ത നിലയില് കണ്ടത്. സിസിടിവി കണക്ഷന് വിച്ഛേദിച്ച നിലയിലാണ്. ഓഫീസിന്റെ ഉദ്ഘാടന ചിത്രത്തോടൊപ്പം കുറിപ്പും പങ്കുവച്ചാണ് സുധാകരന് ഓഫീസ് ഉദ്ഘാടനം ചെയ്തതായി അറിയിച്ചത്. സിപിഎമ്മിനെതിരെ കടുത്ത വിമര്ശനമുന്നയിച്ചാണ് കെ സുധാകരന്റെയും കുറിപ്പ്. പ്രിയപ്പെട്ടവരുടെ ചോര കണ്ടു പോലും ഞങ്ങള് ഭയന്ന് പിന്മാറിയിട്ടില്ല ഓഫീസ് തല്ലി തകര്ത്താല് കോണ്ഗ്രസുകാര് പ്രവര്ത്തനം അവസാനിപ്പിക്കില്ലെന്ന് ഇനിയെന്നാണ് സിപിഎമ്മിന്റെ ഗുണ്ടകള് തിരിച്ചറിയുകയെന്നുമായിരുന്നു അദ്ദേഹത്തിന്റെ വാക്കുകള്.
