ന്യൂഡല്‍ഹി: പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിക്കാന്‍ ശ്രമിച്ച കേസില്‍ പ്രശസ്ത ഗായകനും സംഗീതസംവിധായകനുമായ സഞ്ജയ് ചക്രവര്‍ത്തിയെ അറസ്റ്റ് ചെയ്ത് കൊല്‍ക്കത്ത പൊലീസ്. വെള്ളിയാഴ്ച മുംബൈയില്‍ നിന്നാണ് ഗായകനെ പോക്‌സോ കേസില്‍ അറസ്റ്റ് ചെയ്തത്. രണ്ട് മാസത്തോളം നീണ്ട തിരച്ചിലിനൊടുവിലാണ് പൊലീസ് ഗായകനെ പിടികൂടിയത്.
ജൂണിലാണ് സഞ്ജയ് ചക്രവര്‍ത്തിയുടെ അറസ്റ്റിലേക്ക് നയിച്ച സംഭവം നടന്നത്. കൊല്‍ക്കത്തയിലെ യോഗാ ഇന്‍സ്റ്റിറ്റ്യൂട്ടിനോടനുബന്ധിച്ച് സഞ്ജയ് സംഗീതപരിശീലനം നല്‍കിയിരുന്നു. ഇവിടെവെച്ചാണ് സംഗീത വിദ്യാര്‍ത്ഥിയായ 15-കാരിയെ സഞ്ജയ് പീഡിപ്പിക്കാന്‍ ശ്രമിച്ചത്.
ക്ലാസ് കഴിഞ്ഞ് ബാക്കി വിദ്യാര്‍ത്ഥികളെല്ലാം പോയശേഷമായിരുന്നു പീഡനശ്രമമെന്ന് പൊലീസ് പറഞ്ഞു. ക്ലാസ് അവസാനിച്ചതിന് ശേഷവും സഞ്ജയ് ചക്രവര്‍ത്തി അവിടെ തന്നെ തുടരുകയും മറ്റ് വിദ്യാര്‍ത്ഥികളെല്ലാം പോയശേഷം കുട്ടിയെ ഉപദ്രവിക്കുകയായിരുന്നുവെന്നും പൊലീസ് പറഞ്ഞു.
