കോഴിക്കോട്: പിലാശ്ശേരി പാറമ്മല്‍ ബസ്സും ബൈക്കും കൂട്ടിയിടിച്ചുണ്ടായ അപകടത്തില്‍ വിദ്യാര്‍ത്ഥികള്‍ക്ക് പരിക്ക്. ബൈക്കില്‍ യാത്രചെയ്ത മൂന്ന് വിദ്യാര്‍ത്ഥികള്‍ക്കാണ് പരിക്കേറ്റത്. തലശ്ശേരി ചെക്ലി ദാറുല്‍ഹുദാ വീട്ടില്‍ മുഹമ്മദ് നജിമി (20) അരിക്കോട് സ്വദേശി ലെസില്‍ (20), കൊടുവള്ളി പിലാത്തോട്ടത്തില്‍ വീട്ടില്‍ മുഹമ്മദ് ബഷീറിന്റെ മകന്‍ അഖില്‍ (20) എന്നിവര്‍ക്കാണ് പരിക്കേറ്റത്. അഖിലിന്റെ പരിക്ക് ഗുരുതരമാണ്. ഇവരെ കോഴിക്കോട് മെഡിക്കല്‍ കേളോജിലേക്ക് മാറ്റി. രാമനാട്ടുകര വാഫി കോളേജിലെ വിദ്യാര്‍ത്ഥികളാണ് ഇവര്‍.
കൊടുവള്ളിയില്‍ നിന്ന് കോഴിക്കോട്ടേക്ക് പോവുകയായിരുന്ന ബസ്സും കുന്ദമംഗലം ഭാഗത്തുനിന്ന് മാന്യപുരം ഭാഗത്തേക്ക് പോകുന്ന ബൈക്കും ആണ് കൂട്ടിയിടിച്ചത്.
