ബെംഗളൂരു: മുഡ ഭൂമിയിടപാട് കേസില് കര്ണാടക മുഖ്യമന്ത്രി സിദ്ദരാമയ്യയുടെ ഹര്ജി ഹൈക്കോടതി തള്ളി. മുഖ്യമന്ത്രിയെ പ്രോസിക്യൂട്ട് ചെയ്യാനുള്ള ഗവര്ണറുടെ അനുമതി ഹൈക്കോടതി ശരിവച്ചു. പരാതി രജിസ്റ്റര് ചെയ്ത് ഗവര്ണറോട് അനുമതി തേടിയതില് ശരിയായ നടപടിയാണെന്ന് ജസ്റ്റിസ് എം നാഗപ്രസന്ന അധ്യക്ഷനായ സിംഗിള് ബെഞ്ച് നിരീക്ഷിച്ചു. അഴിമതി നിരോധന നിയമത്തിലെ സെക്ഷന് 17 എ പ്രകാരം അനുമതി തേടേണ്ടത് പരാതിക്കാരന്റെ കടമയാണെന്നും ഗവര്ണര്ക്ക് സ്വതന്ത്രമായി തീരുമാനമെടുക്കാമെന്നും ബെഞ്ച് പറഞ്ഞു.
സിദ്ധരാമയ്യയുടെ ഭാര്യ ബി എം പാര്വതിക്ക് മൈസൂരുവില് ഭൂമി അനുവദിച്ചത് നിയമവിരുദ്ധമാണെന്നും ഇത് ഖജനാവിന് 50 കോടിയിലധികം രൂപയുടെ നഷ്ടമുണ്ടാക്കിയെന്നുമായിരുന്നു കേസ്.
