കോഴിക്കോട്: പയ്യോളിക്കും വടകരക്കുമിടയില് ട്രെയിന് യാത്രക്കാരന് കുത്തേറ്റു. ആലപ്പുഴ – കണ്ണൂര് എക്സിക്യൂട്ടീവ് എക്സ്പ്രസിലായിരുന്നു സംഭവം. കോച്ചിനുള്ളില് സ്ത്രീകളെ ശല്യം ചെയ്തത് ചോദ്യം ചെയ്തയാള്ക്കാണ് കുത്തേറ്റത്.
ഇന്നലെ രാത്രി പതിനൊന്നരക്കും പന്ത്രണ്ടിനുമിടയിലാണ് സംഭവം. അക്രമിയെ ആര്പിഎഫ് കസ്റ്റഡിയിലെടുത്തു. അക്രമി മദ്യ ലഹരിയിലായിരുന്നുവെന്ന് യാത്രക്കാര് പറഞ്ഞു. മുറിവ് സാരമല്ലാത്തതിനാല് കുത്തേറ്റ യാത്രക്കാരന് കണ്ണൂരിലേക്ക് യാത്ര തുടര്ന്നു.
