ഹൈദരാബാദ്: കല്യാണത്തിന് തൊട്ടുമുന്പ് ചിരി സൗന്ദര്യം കൂട്ടാന് ശസ്ത്രക്രിയയ്ക്ക് വിധേയനായ പ്രതിശ്രുത വരന് മരിച്ചു. ഹൈദരാബാദ് സ്വദേശി ലക്ഷ്മി നാരായണനാണ് (28) മരിച്ചത്. മകന് അനസ്തേഷ്യ നല്കിയത് കൂടിപ്പോയതാണ് മരണ കാരണമെന്ന് അച്ഛന് ആരോപിച്ചു.
ഫെബ്രുവരി 16നാണ് സംഭവം. ഹൈദരാബാദ് ജൂബിലി ഹില്ലിലെ സ്വകാര്യ ഡെന്റല് ക്ലിനിക്കിലാണ് ചിരിക്ക് കൂടുതല് അഴക് ലഭിക്കുന്നതിന് ലക്ഷ്മി നാരായണ ശസ്ത്രക്രിയയ്ക്ക് വിധേയനായത്. ശസ്ത്രക്രിയയ്ക്കിടെ യുവാവ് കുഴഞ്ഞുവീഴുകയായിരുന്നു. ഉടന് തന്നെ തൊട്ടടുത്തുള്ള ആശുപത്രിയില് എത്തിച്ചെങ്കിലും ജീവന് രക്ഷിക്കാന് സാധിച്ചില്ലെന്ന് ലക്ഷ്മി നാരായണയുടെ അച്ഛന് പറഞ്ഞു.
