പുതുവര്ഷദിനത്തില് പുതിയ പദ്ധതിയുമായി കേരളം. പ്രകൃതിയെ സംരക്ഷിക്കാനായി ഒറ്റത്തവണ മാത്രം ഉപയോഗിക്കാവുന്ന പ്ലാസ്റ്റികിന് ജനുവരി ഒന്ന് മുതല് നിരോധനം ഏര്പ്പെടുത്തിയിരിക്കുകയാണ്. പഴങ്ങളും പച്ചക്കറികളും പായ്ക്ക് ചെയ്യാന് ഉപയോഗിക്കുന്ന പാക്കറ്റുകള് വരെ നിരോധിച്ചിട്ടുണ്ട്. നിരോധിച്ചവ നിര്മിക്കാനോ വില്ക്കാനോ പാടില്ല. വില്പനക്കാര് നിയമം ലംഘിച്ചാല് ആദ്യ തവണ പിഴയടക്കേണ്ടത് 10,000 രൂപയാണ്. രണ്ടാം തവണയാകുമ്പോള് 25,000 രൂപയും മൂന്നാം തവണ 50,000 രൂപയുമായിരിക്കും പിഴ. അതേ സമയം ബ്രാന്ന്റഡ് ഉത്പന്നങ്ങളുടെ പ്ലാസ്റ്റിക് ആവരണങ്ങള്, വെള്ളവും മദ്യവും വില്ക്കുന്ന കുപ്പികള്, പാല്ക്കവര്, മത്സ്യവും മാംസവും സൂക്ഷിക്കാന് ഉപയോഗിക്കുന്ന കവറുകള് എന്നിവക്ക് നിരോധനമില്ല.
തദ്ദേശ സ്വയംഭരണ സ്ഥാപനങ്ങള്ക്കും മലിനീകരണ നിയന്ത്രണ ബോർഡിനുമാണ് നിരോധനം പ്രബല്യത്തിൽ വരുത്താനുള്ള ചുമതല. ഇപ്പോൾ തന്നെ 50 മൈക്രോണ് വരെയുള്ള പ്ലാസ്റ്റിക് ക്യാരി ബാഗുകളാണ് സംസ്ഥാനത്ത് നിരോധിച്ചരിക്കുന്നത്.
