തിരുവനന്തപുരം: യുവ ഡോക്ടര് ഫ്ലാറ്റിനുള്ളില് ആത്മഹത്യ ചെയ്ത സംഭവത്തെക്കുറിച്ച് അന്വേഷിച്ച് റിപ്പോര്ട്ട് നല്കാന് ആരോഗ്യ മന്ത്രി വീണാ ജോര്ജ് വനിതാ – ശിശുവികസന ഡയറക്ടര്ക്ക് നിര്ദേശം നല്കി.
തിരുവനന്തപുരം മെഡിക്കല് കോളജിലെ സര്ജറി വിഭാഗം പിജി വിദ്യാര്ത്ഥിനിയായ വെഞ്ഞാറമൂട് പുത്തൂര് നാസ് മന്സിലില് പരേതനായ അബ്ദുള് അസീസിന്റെയും ജലീലയുടെയും മകള് ഷഹിന (27) യെയാണ് മെഡിക്കല് കോളേജിനു സമീപത്തെ ഫ്ലാറ്റില് തിങ്കള് രാത്രി മരിച്ച നിലയില് കണ്ടെത്തിയത്. വീട്ടിലെ സാമ്പത്തിക പ്രതിസന്ധിയ്ക്കൊപ്പം പ്രണയിച്ച യുവാവ് വന്തുക സ്ത്രീധനമായി ആവശ്യപ്പെട്ടതും ആത്മഹത്യ ചെയ്യാന് കാരണമായെന്ന് ആരോപണം ഉയര്ന്നിരുന്നു. ഇതിന്റെ പശ്ചാത്തലത്തിലാണ് സംഭവത്തെക്കുറിച്ച് അന്വേഷിച്ച് റിപ്പോര്ട്ട് നല്കാന് മന്ത്രി നിര്ദേശിച്ചത്.
