സ്പർശം ചാരിറ്റബിൾ ട്രസ്റ്റിന് ഓക്സിജൻ കോൺസെൻട്രേറ്ററുകൾ നൽകി എംഎൽഎ പി.ടി.എ റഹീം

സ്പർശം ചാരിറ്റബിൾ ട്രസ്റ്റിന് ഓക്സിജൻ കോൺസെൻട്രേറ്ററുകൾ അനുവദിച്ച് എംഎൽഎ പി.ടി.എ റഹീം. എംഎൽഎയുട 2022-23 വർഷത്തെ വികസന നിധിയിൽ നിന്നും 7.35 ലക്ഷം രൂപ ചെലവിട്ടാണ് 12 ഓ​ക്സിജൻ കോൺസെൻട്രേറ്ററുകൾ വാങ്ങിയത്. പുള്ളന്നൂർ സ്പർശം ഓഫീസ് കോംപ്ലക്സിൽ വെച്ചു നടന്ന ചടങ്ങിൽ എഎൽഎ പിടിഎ റഹീം ഓ​ക്സിജൻ കോൺസെൻട്രേറ്ററുകൾ നാടിന് സമർപ്പിച്ചു. എ.പി ഷാനവാസിന്റെ നേതൃത്വത്തിൽ സ്പർശം ടീം അം​ഗങ്ങൾ ഓ​ക്സിജൻ കോൺസെൻട്രേറ്ററുകൾ എംഎൽഎയിൽ നിന്ന് ഏറ്റ് വാങ്ങി. ചടങ്ങിൽ ആസിം വെളിമണ്ണ സ്പർശം റീ ക്രിയേഷൻസെന്റർ ബ്രാൻഡ് അംബാസഡർ ആയി സ്ഥാനം ഏറ്റെടുത്തു. എജ്യു സ്പർശം ലോഗോയും ആസിം വെളിമണ്ണ പ്രകാശനം ചെയ്തു. സ്പർശം നാൾവഴികളെ കുറിച്ച് എൻ.പി മുഹമ്മദും സ്പർശം പദ്ധതിയെക്കുറിച്ച് ചൂലൂർ FHC മെഡിക്കൽ ഓഫീസർ ഡോ . സ്മിത റഹ്മാനും സംസാരിച്ചു. വിവിധ മേഖലകളിൽ പ്രാവീണ്യം നേടിയ പ്രതിഭകളെയും ചടങ്ങിൽ ആദരിച്ചു .മാർഷ്യൽ ആർട്സ് ട്രൈനർ ലത്തീഫിന്റെ നേതൃത്വത്തിൽ ആയോധന കലാ പ്രദർശനവും പരിപാടിയുടെ ഭാ​ഗമായി നടന്നു. എളേടത്ത് പ്രദീപ്, പഞ്ചായത്ത് പ്രസിഡണ്ട് ഓളിക്കൽ ഗഫൂർ, മുംതാസ് ഹമീദ് (കുന്നമംഗലം ബ്ലോക്ക് പഞ്ചായത്ത് മെമ്പർ ),
അഡ്വ. വിപിഎ സിദ്ധീഖ് (ചാത്തമംഗലം പഞ്ചായത്ത് ആരോഗ്യ വിദ്യഭ്യാസ
സ്റ്റാൻഡിങ് കമ്മിറ്റി ചെയർമാൻ ), അഡ്വ. എ.കെ അബ്ദുറസാഖ്, ഇപിഎം കോയ മാസ്റ്റർ, രാജീവ് പണിക്കർ, അഷ്‌റഫ് മാസ്റ്റർ കെ.കെ, സത്യൻ ഐ.കൈ, എം.കെ അബൂബക്കർ ഹാജി തുടങ്ങിയവർ പരിപാടിയിൽ പങ്കെടുത്തു