കേരളത്തിൽ വെച്ച് സാമ്പത്തിക തട്ടിപ്പിന് ഇരയായി വിസ കലാവതി തീർന്നതിനെ തുടർന്ന് പ്രതിസന്ധിയിൽ ആകുകയും ചെയ്ത വിദേശ യുവതിക്ക് സഹായ ഹസ്തവുമായി സുരേഷ് ഗോപി. ഫോര്‍ട്ട് കൊച്ചിയിലെ ഹോം സ്റ്റേയില്‍ താമസിക്കുന്നലണ്ടൻ സ്വദേശിനി സാറ പെനിലോപ് കോയ്ക്കാണ് സുരേഷ് ഗോപി സഹായമെത്തിച്ചത്
ഇന്ത്യയിലെ ടൂറിസ്റ്റ് വിസ പുതുക്കാനായി രാജ്യത്തിന് പുറത്തു പോയി വരാനുള്ള വിമാന ടിക്കറ്റുകളുടെ തുക, വീസ ലംഘിച്ച് രാജ്യത്ത് തുടര്‍ന്നതിനുള്ള പിഴത്തുക, മറ്റു ചിലവുകള്‍ക്കുള്ള തുക എന്നിവയുള്‍പെടെ 60,000 രൂപ സുരേഷ് ഗോപി നല്‍കി. സുരേഷ് ഗോപിക്കുവേണ്ടി പ്രൊഡക്ഷന്‍ കണ്‍ട്രോളര്‍ ഡിക്‌സണ്‍ പൊതുതാസ്, എക്‌സിക്യൂടീവ് പ്രൊഡ്യൂസര്‍ അഖില്‍ എന്നിവരാണ് തുക കൈമാറിയത്.
വിസയുടെ കാലാവധി കഴിഞ്ഞാല്‍ രാജ്യത്തിന് പുറത്ത് നിന്നു മാത്രമേ അപേക്ഷ നല്‍കാന്‍ കഴിയുകയുള്ളൂ. ഇതാണ് സാറയ്ക്ക് മുന്‍പില്‍ വലിയ പ്രതിസന്ധിയായത്. സഹായത്തിന് സുരേഷ് ഗോപിയ്ക്ക് സാറ നന്ദി പറഞ്ഞു.
കേരളത്തിൽ വെച്ച് സാമ്പത്തിക തട്ടിപ്പിന് ഇരയായ വിദേശ വനിതക്ക് സഹായഹസ്തവുമായി സുരേഷ് ഗോപി
