ശബരിമലയില് യുവതികളെ പ്രവേശിപ്പിക്കേണ്ടെന്ന് സര്ക്കാറിന് നിയമോപദേശം. സുപ്രീം കോടതി വിധി വന്ന ശേഷം സര്ക്കാര് സുപ്രീം കോടതിയിലെ മുതിര്ന്ന അഭിഭാഷകന് ജയദീപ് ഗുപ്തയോട് നിയമോപദേശം തേടിയിരുന്നു. തുടര്ന്ന് വിധിയില് അവ്യക്തതയുണ്ടെന്നും ഏഴംഗ ബഞ്ച് ഭരണഘടനാപ്രശ്നങ്ങള് തീര്പ്പ് കല്പിക്കുംവരെ പഴയ സ്ഥിതി തുടരുകയാണ് ഉചിതമെന്നും ജയദീപ് ഗുപ്ത നിയമോപദേശം നല്കുകയായിരുന്നു.
മണ്ഡല മകരവിളക്ക് മഹോത്സവത്തിനായി ശബരിമല നട നാളെയാണ് തുറക്കുക. യുവതീ പ്രവേശം അനുവദിച്ചു കൊണ്ടുള്ള സുപ്രീംകോടതി വിധിക്ക് സ്റ്റേയില്ലാത്ത സാഹചര്യത്തില് കൂടുതല് യുവതികള് എത്താനുള്ള സാധ്യത തള്ളിക്കളയാനാകില്ല. ഈ സാഹചര്യത്തിലാണ് സര്ക്കാറിന് നിയമോപദേശം ലഭിക്കുന്നത്.