കോഴിക്കോട്: ഹൃദ് രോഗ വിദഗ്ധൻ ഡോക്ടർ കൂഞ്ഞാലിയുടെ സിവിൽ സ്റ്റേഷനടുത്തുള്ളവീട്ടിലാണ് ഗ്യാസ് ലീക്കായി തീപിടുത്തമുണ്ടായത്.വിവരം അറിഞ്ഞെത്തിയ ഫയർഫോഴ്സ് വിഭാഗം ജനൽ മുറിച്ച് അകത്ത് കടന്നാണ് അതിസാഹസികമായി തീ അണച്ചത്. ഡോക്ടറും കുടുംബവും വീട്ടിലല്ലാത്ത സമയത്തായത് കൊണ്ട് അപകടം ഒഴിവായി.വീട്ടുകാർ പുറത്ത് പോകുന്ന സമയത്ത് സ്റ്റൗ ഓഫാക്കാൻ മറന്നതാണു് കാരണമെന്ന് സംശയിക്കുന്നതായി ഫയർ വിഭാഗം പറഞ്ഞു. അൽപസമയം കൂടി കഴിഞ്ഞിരുന്നെങ്കിൽ ഗ്യാസ് സിലിണ്ടർ പൊട്ടിതെറിക്കു മായിരുന്നു.പരിസരത്തുള്ള ഒരു സെക്യൂരിറ്റി ജീവനക്കാരൻ വിവരം നൽകിയതിനെ തുടർന്നാണ് ഫയർഫോഴ്സ് എത്തിയത്.രാവിലെ 5.50 നായിരുന്നു സംഭവം .ഫയർ ഓഫീസർ ബാബുരാജ്,അസിസ്റ്റൻ്റ് ഫയർ ഓഫീസർ അജയ് കുമാർ, സീനിയർ ഫയർ ഓഫീസർ സജി ചാക്കോ, എന്നിവരുടെ നേതൃത്വത്തിലുള്ള സംഘമാണ് തീ അണച്ചത്.
