സംസ്ഥാന കോര് കമ്മിറ്റിയില് ഉള്പ്പെടുത്താതിനെതിരെ അതൃപ്തി പരസ്യമാക്കി ശോഭാ സുരേന്ദ്രന്.പഞ്ചായത്തംഗം പോലുമില്ലാത്ത കാലത്ത് പാര്ട്ടിക്കായി പ്രവര്ത്തിച്ചു. പാര്ട്ടിക്ക് സ്വാധീനമില്ലാത്ത കാലത്ത് കമ്മ്യൂണിസ്റ്റ് കോട്ട കൊത്തളങ്ങളില് പ്രസംഗിച്ചിട്ടുണ്ടെന്നും ശോഭ സുരേന്ദ്രന് മാധ്യമങ്ങളോട് പറഞ്ഞു.സുരേഷ് ഗോപി കോര് കമ്മിറ്റിയില് വരുന്നതില് സന്തോഷമുണ്ട്. ജനങ്ങളുടെ കോര് കമ്മിറ്റിയില് തനിക്ക് സ്ഥാനമുണ്ടാകുമെന്ന് ശോഭ കൂട്ടിച്ചേര്ത്തു.പാര്ട്ടിപ്രവര്ത്തനങ്ങളില് നിന്ന് മാറിനില്ക്കുന്നുവെന്ന ആരോപണം ശരിയല്ലെന്നും പ്രവര്ത്തനത്തിന് അവസരം നല്കേണ്ടത് പാര്ട്ടി അധ്യക്ഷനായ കെ സുരേന്ദ്രനാണെന്നും ശോഭാ സുരേന്ദ്രന് പറഞ്ഞു. രണ്ടര പതിറ്റാണ്ടിലധികമായി താന് പാര്ട്ടിക്ക് വേണ്ടി പ്രവര്ത്തിക്കുകയാണ്. ഏല്പ്പിച്ച ചുമതലകളെല്ലാം നിറവേറ്റിയിട്ടുണ്ടെന്നും ശോഭ സുരേന്ദ്രന് പറഞ്ഞു.
പഞ്ചായത്തംഗം പോലുമില്ലാത്ത കാലത്ത് പാര്ട്ടിക്കായി പ്രവര്ത്തിച്ചു;ജനങ്ങളുടെ കോർ കമ്മിറ്റിയിൽ സ്ഥാനമുണ്ടെന്ന് ശോഭ സുരേന്ദ്രൻ
