പ്രണയം പരസ്യമാക്കി മാളവികാ ജയറാം; കാമുകന്റെ ചിത്രം പുറത്ത് വിട്ട് താരപുത്രി

ചെന്നൈ: ജയറാമിന്റേയും പാർവതിയുടേയും മകൾ മാളവിക പ്രണയത്തിലാണോ എന്നതായിരുന്നു സമൂഹമാധ്യങ്ങളിൽ ഉൾപ്പടെ താരാരാധകരിൽ പലരുടേയും കുറേ നാളായുള്ള ചർച്ച. ഒരു പുരുഷന്റെ കയ്യിൽ കൈ കോർത്തിരിക്കുന്ന ചിത്രം മാളവിക ഇൻസ്റ്റാഗ്രാം സ്റ്റോറിയായി പങ്കുവെച്ചതോടെയാണ് ചർച്ചകൾ സജീവമാായത്. ഇപ്പോളിതാ പ്രിയപ്പെട്ടവനുമൊന്നിച്ചുള്ള ചിത്രം സമൂഹമാധ്യമത്തിലൂടെ പുറത്തുവിട്ടിരിക്കുകയാണ് മാളവിക. കാമുകന് പിറന്നാൾ ആശംസയുമായാണ് താരപുത്രി എത്തിയിരിക്കുന്നത്. എന്റെ ജീവിതത്തിൽ ഞാൻ എടുത്ത ഏറ്റവും ബെസ്റ്റ് തീരുമാനം, നിനക്ക് ഹാപ്പി ബർത്ത് ഡേ. എന്നും എപ്പോഴും ഞാൻ നിന്നെ സ്നേഹിക്കുന്നു’ എന്നാണ് മാളവിക ഫോട്ടോയ്ക്ക് ക്യാപ്ഷൻ നൽകിയിരിക്കുന്നത്. ഇൻസ്റ്റാഗ്രാം സ്റ്റോറി ആയിട്ടാണ് മാളവിക ചിത്രം പങ്കുവച്ചിരിക്കുന്നത്. ആരാണ് കാമുകൻ എന്ന രീതിയിലുള്ള ചർച്ചകളാണ് ഫോട്ടോ പുറത്ത് വിട്ടതോടെ നടക്കുന്നത്. സിനിമ രംഗത്തുള്ള വ്യക്തിയാണോ മാളവികയുടെ കാമുകൻ എന്ന രീതിയിലാണ് ചർച്ചകൾ അഭിനയ രംഗത്തേക്ക് മാളവിക ജയറാം ഇതുവരെ പ്രവേശിച്ചിട്ടില്ല. പക്ഷെ അടുത്തിടെ ചില പരസ്യങ്ങളിൽ മാളവിക പ്രത്യക്ഷപ്പെട്ടിരുന്നു. അതിൽ ജയറാമുമായി ചേർന്ന് അഭിനയിച്ച ജ്വല്ലറിയുടെ പരസ്യം അടക്കമുണ്ട്.എന്നാൽ സോഷ്യൽ മീഡിയയിൽ മാളവിക സജീവമാണ്. തൻറെ ചിത്രങ്ങളും വിശേഷങ്ങളും മാളവിക പങ്കുവയ്ക്കാറുണ്ട്. ഇൻസ്റ്റഗ്രാമിൽ മാളവികയ്ക്ക് 3.15 ഫോളോവേർസ് ഉണ്ട്.