മെയ് 31 ഞായറാഴ്ച നാലാം ഘട്ട ലോക്ക്ഡൗണ്‍ അവസാനിക്കുന്ന സാഹചര്യത്തില്‍ തുടര്‍നടപടികള്‍ ചര്‍ച്ചചെയ്യുന്നതിനായി പ്രധാനമന്ത്രി നരേന്ദ്ര മോദിയും, ആഭ്യന്തര മന്ത്രി അമിത് ഷായും തമ്മില്‍ കൂടിക്കാഴ്ച നടത്തി. കഴിഞ്ഞ ദിവസം അമിത് ഷാ സംസ്ഥാനത്തെ മുഖ്യമന്ത്രിമാരുമായി കൂടിക്കാഴ്ച നടത്തിയിരുന്നു. ലോക്ക്ഡൗണില്‍ കൂടുതല്‍ ഇളവുകള്‍ അനുവദിക്കണമെന്നാണ് പല സംസ്ഥാനങ്ങളും മുന്നോട്ട് വെച്ച നിര്‍ദേശം. കേന്ദ്രസര്‍ക്കാര്‍ പുതുക്കിയ മാര്‍ഗനിര്‍ദേശം ഉടന്‍ പുറത്തിറക്കുമെന്നാണ് സൂചന. അതേസമയം അന്താരാഷ്ട്ര വിമാന സര്‍വീസുകള്‍ തത്കാലം പുനരാരംഭിക്കേണ്ടതില്ലെന്നാണ് ഭൂരിഭാഗം സംസ്ഥാനങ്ങളുടെയും നിലപാട്. തീവ്രബാധിത മേഖലകളില്‍ കര്‍ശന നിയന്ത്രണം തുടരാനാകും സാധ്യത.
ലോക്ഡൗണ്‍; നരേന്ദ്ര മോദിയും, അമിത് ഷായും തമ്മില്‍ കൂടിക്കാഴ്ച നടത്തി
