കോഴിക്കോട് : കുന്ദമംഗലം ഗ്രാമ പഞ്ചായത്ത് ഇരുപത്തിയൊന്നാം വാർഡ് കണ്ടെഴ്മെൻറ് സോണാക്കി തീരുമാനിച്ച സാഹചര്യത്തിൽ കനത്ത സുരക്ഷയൊരുക്കി അതികൃതർ. കാരന്തൂർ ടൗണിലെ ആവിശ്യ സാധനങ്ങൾ ഒഴികെയുള്ള സ്ഥാപനങ്ങളൂം ഇരുപത്തിയൊന്നാം വാർഡിലേക്കുള്ള റോഡുകളും അധികൃതർ അടച്ചു. ഇനിയൊരു അറിയിപ്പുണ്ടാകുന്നവരെ തുറക്കുന്നതല്ല.
കഴിഞ്ഞ ദിവസമാണ് വാർഡിലുള്ള ഒരു വിദ്യാലയത്തിലെ ബസ്സ് ഡ്രൈവർക്ക് കോവിഡ് സ്ഥിരീകരിച്ചത്. ഇദ്ദേഹം കുന്ദമംഗലം പ്രാഥമിക ആരോഗ്യ കേന്ദ്രത്തിലും, ഒരു ക്ലിനിക്കിലും, മറ്റിടങ്ങളിലും സമ്പർക്കമുണ്ടായിട്ടുണ്ട് തുടർന്ന് പ്രദേശം കണ്ടേഴ്മെന്റ് സോണാക്കുകയായിരുന്നു. ഗ്രാമ പഞ്ചായത്ത് പ്രസിഡന്റ ലീന വാസുദേവൻ, ഹെൽത്ത് ഇൻസ്പെക്ടർ സുരേഷ് ബാബു . കുന്ദമംഗലം എസ് ഐ ശ്രീജിത്ത്,വില്ലജ് ഓഫീസർ പഞ്ചായത്ത് മെമ്പർ എന്നിവർ തുടർ നടപടികളുടെ ഭാഗമായി കാരന്തൂരിൽ എത്തി.