തിരുവനന്തപുരം: ഐ ടി പാര്‍ക്കിലെ മദ്യശാലയ്ക്ക് അപേക്ഷകരാരുമില്ല. എക്‌സൈസ് ചട്ടം നിലവില്‍ വന്നിട്ട് 3 മാസമായെങ്കിലും ഒരു അപേക്ഷ പോലും ഇതുവരെ സര്‍ക്കാരിന് മുന്നിലേക്ക് എത്തിയില്ല. ചട്ടത്തിലെ നിബന്ധനകള്‍ ഇളവ് ചെയ്യണമെന്ന് ഐ ടി വകുപ്പ് ആവശ്യപ്പെട്ടിരിക്കുകയാണ്.
ഒരു ഐടി പാര്‍ക്കില്‍ ഒരു ലൈസന്‍സെന്ന നിബന്ധനയില്‍ മാറ്റംവേണമെന്ന് ഐടി വകുപ്പ് ആവശ്യപ്പെട്ടു. നിലവില്‍ ഡെവലപ്പര്‍ക്ക് മാത്രമാണ് ലൈസന്‍സ് നല്‍കാന്‍ ചട്ടം ഭേദഗതി ചെയ്തത്. അപേക്ഷകരായി കോ- ഡെവലപ്പര്‍മാര്‍ക്കും ലൈസന്‍സ് വേണമെന്ന് ഐടി വകുപ്പ് നിലപാടെടുത്തിരിക്കുകയാണ്. നേരിട്ട് ലൈസന്‍സെടുക്കാന്‍ പാര്‍ക്ക് സിഇഒമാര്‍ക്ക് താല്‍പര്യമില്ലാത്തതും തിരിച്ചടിയാണ്.
