പാരസെറ്റമോള് ഉള്പ്പടെയുള്ള എണ്ണൂറോളം ആവശ്യമരുന്നുകളുടെ വില ഏപ്രില് ഒന്നുമുതല് വര്ധിക്കുമെന്ന് നാഷണല് ഫാര്മസ്യൂട്ടിക്കല് പ്രൈസിങ്ങ് അതോറിറ്റി. അവശ്യമരുന്നുകളുടെ വില 10 ശതമാനം ഉയര്ത്താന് കേന്ദ്രം അനുമതി നല്കിയതിനെത്തുടര്ന്നാണ് നടപടി. ഏപ്രില് മാസം മുതല് വില നിയന്ത്രണ പരിധിയിലുള്ള ഷെഡ്യൂള്ഡ് മരുന്നുകളുടെ ഹോള്സെയില് വില 10.7 ശതമാനം വര്ധിപ്പിക്കുമെന്നാണ് ദേശീയ ഫാര്മസ്യൂട്ടിക്കല് പ്രൈസിംഗ് അതോറിറ്റിയുട തീരുമാനം
പനി, അലര്ജി, ഹൃദ്രോഗം, ത്വക്രോഗം, വിളര്ച്ച എന്നിവയ്ക്ക് നല്കി വരുന്ന അസിത്രോമൈസിന്, സിപ്രോഫ്ലോക്സാസിന് ഹൈഡ്രോക്ലോറൈഡ്, മെട്രോനിഡാസോള് തുടങ്ങി 800 ഓളം മരുന്നുകളുടെ വിലയാണ് വര്ധിക്കാന് പോകുന്നത്.കോവിഡ് ചികിത്സയ്ക്കുപയോഗിക്കുന്ന മരുന്നുകള്ക്കും വില കൂടും.
