മലപ്പുറം: പൊന്നാനി കോളിലെ നരണിപ്പുഴ – കുമ്മിപ്പാലം ബണ്ട് തകര്ന്നു. 60 മീറ്റര് ബണ്ട് ഒലിച്ചുപോയി. 5 മാസം മുമ്പ് സമഗ്ര കോള് വികസന പദ്ധതിയില് 3 കോടിരുപയോളം ചെലവഴിച്ചു നിര്മിച്ച ബണ്ടാണ് തകര്ന്നത്. ബണ്ടിന്റെ അടിഭാഗത്തെ മണ്ണ് താഴ്ന്നു പോയതാണ് ബണ്ട് തകരാര് കാരണമെന്നാണ് പ്രാഥമിക നിഗമനം.
ഇന്ന് രാവിലെ 10 മണിയോടെയാണ് പൊന്നാനി കോളിലെ നരണിപ്പുഴ- കുമ്മിപ്പാലം ബണ്ട് തകര്ന്നത്. 40 ലക്ഷം രൂപയുടെ നാശനഷ്ടമുണ്ടായി. പുഞ്ച കൃഷി ആരംഭിച്ച വെളിയങ്കോട് പഞ്ചായത്തിലെ നരണിപ്പുഴ- കുമ്മിപ്പാലത്തെ 200 ഏക്കര് പാട ശേഖരത്തില് ബണ്ട് തകര്ന്ന് വെള്ളം ഒഴുകിവെള്ളക്കെട്ടിലാവുകയായിരുന്നു.
