കോഴിക്കോട്: ആരോഗ്യ വകുപ്പ് പാളയത്ത് സംഘടിപ്പിച്ച ആൻ്റിജൻ ടെസ്റ്റിൽ എല്ലാവർക്കും നെഗറ്റീവ്. പാളയത്തെ തൊഴിലാളികൾ, പോർട്ടർമാർ, കടയിലെ ജീവനക്കാർ ഉൾപ്പടെ 225 പേർക്കാണ് ടെസ്റ്റ് നടത്തിയത്. എല്ലാ ഫലവും നഗറ്റീവായത് വലിയ ആശ്വാസമായിരിക്കുകയാണ്. പാളയത്ത് കഴിഞ്ഞ രണ്ടുദിവസമായി നിയന്ത്രണം ശക്തമാണ്. പാളയത്തെ ഒരു ഭാഗം കണ്ടെയ്ന്മെൻ്റ് സോണിലാണ്.
ഇന്നലെ രാവിലെ ബൈരായിക്കുളം സ്കൂളിലാണ് ക്യാമ്പ് നടന്നത്. ധാരാളം പേർ നേരത്തെ തന്നെ എത്തിയിരുന്നു. ജില്ലയിലെ തിരക്ക് കൂടിയ വ്യാപാര സ്ഥാപനങ്ങളിൽ ആരോഗ്യ പ്രവർത്തകരും പോലീസും ചേർന്ന് പരിശോധന നടത്തിയിരുന്നു.