കൊച്ചി: അഴിമതിക്കേസില് ശിക്ഷിക്കപ്പെട്ടവര്ക്ക് ജാമ്യം നല്കുന്നതില് വിമര്ശനവുമായി ഹൈക്കോടതി. അഴിമതിക്കേസില് പ്രതികളെ ശിക്ഷിക്കുന്നതും വിചാരണ ചെയ്യുന്നതും ബുദ്ധിമുട്ട്. വിചാരണ പല തരത്തില് പ്രതികള് തടസപ്പെടുത്തും. ശിക്ഷിക്കപ്പെട്ടാലും അപ്പീല് അധികാരം ഉപയോഗിച്ച് ജാമ്യം നേടി പുറത്തിറങ്ങും. പിന്നീട് പ്രതികള് പുറത്തുതന്നെ തുടരും. പ്രതികള്ക്ക് പഴയ പദവിയില് പ്രവേശിക്കാനും കഴിയും. നിയമവ്യവസ്ഥിതിയില് ജനങ്ങളുടെ വിശ്വാസം ഉറപ്പാക്കണം. ഇതിന് അഴിമതി നിരോധന നിയമത്തിലെ വ്യവസ്ഥകള് കൃത്യമായി നടപ്പാക്കണം. അഴിമതിക്കാര് സ്വതന്ത്രരായി വിഹരിക്കുന്നു. അഴിമതിക്കാരെ തടയാനാകുന്നില്ലെന്നും ജസ്റ്റിസ് എ. ബദറുദ്ദീന് അഭിപ്രായപ്പെട്ടു. ശിക്ഷ മരവിപ്പിക്കണമെന്ന ടോമിന് ജെ. തച്ചങ്കരിയുടെ ആവശ്യം പരിഗണിക്കവെയാണ് ഹൈക്കോടതിയുടെ വിമര്ശനം. ടോമിൻ ജെ. തച്ചങ്കരിയുടെ ഉപഹർജി ഹൈക്കോടതി വിധി പറയാൻ മാറ്റി.
അഴിമതിക്കേസില് ശിക്ഷിക്കപ്പെട്ടവര്ക്ക് എന്തിന് ജാമ്യം? വിമര്ശനവുമായി ഹൈക്കോടതി
