ഇന്ത്യയില് കൊറോണ വൈറസ് രോഗബാധിതരുടെ എണ്ണം 23,077 ആയി. വെള്ളിയാഴ്ച 921 പുതിയ കൊറോണ വൈറസ് കേസുകള് റിപ്പോര്ട്ട് ചെയ്തു. ഇതുവരെ 718 പേര് മരിക്കുകയും 4,748 പേര് രോഗമുക്തി നേടുകയും ചെയ്തു.
മഹാരാഷ്ട്രയില് 6430 പേര്ക്കാണ് രോഗബാധയുള്ളത്. 283 മരണവും മഹാരാഷ്ട്രയില് മാത്രം റിപ്പോര്ട്ട് ചെയ്തു. മരണനിരക്കിലും രോഗബാധിതരുടെ എണ്ണത്തിലും ഗുജറാത്താണ് രണ്ടാമത്. 2376 പേര്ക്കാണ് ഗുജറാത്തില് രോഗംപിടിപ്പെട്ടത്. 112 പേര് മരിച്ചു. 258 പേര് മാത്രമാണ് രോഗമുക്തി നേടിയത്.
മധ്യപ്രദേശില് 80 പേര് മരിച്ചു. 1699 പേര്ക്കാണ് രോഗം സ്ഥിരീകരിച്ചത്. ഡല്ഹിയില് 2376 പേര്ക്ക് രോഗം സ്ഥിരീകരിച്ചു. 50 മരണം റിപ്പോര്ട്ട് ചെയ്തു. ആന്ധ്രപ്രദേശില് 27 ഉം തമിഴ്നാട്ടില് 20 കര്ണാടകയില് 17 ഉം പേര് മരിച്ചിട്ടുണ്ട്.
